VOV4.Bahnar - Pơgê brei, năr 12/5, Kơ iĕng Thủ tướng Vũ Đức Đam, Kơdră Dơnŏ anĭh chĕp pơgơ̆r Tĕh đak tang găn jĭ covid-19 hlôi pơm tơm ‘măng hop akŏm trư̆k tuyên hăt hot hăm 3 dêh char pơlei tơm Đà Nẵng, Bắc Ninh, Bắc Giang lăp đơ̆ng rong đei ƀô̆h hlŏh 100 ‘nu bơngai tơpŏh jĭ Covid-19 ‘nŏh bơngai kŏng nhân tơ̆ rim hơnĭh jang kmăi kmŏk pơm tơlĕch tơmam drăm. Kơ iĕng Thủ tướng pơkă athei Đà Nẵng, Bắc Ninh, Bắc Giang vei kơ jăp pơm tơlĕch tơmam drăm, adoi iung jang hloi tang găn jĭ jơnei, sơđơ̆ng ư̆h kơ lê̆ đei tơpŏh dĭh băl lơ̆m hơnĭh ăn oei hơdrô̆ akŏm.Tơdrong bơ̆ jang lơ̆m rim hnam kmăi pơm tơlĕch tơmam drăm ‘nŏh hrĕp, lơ bơngai kơna tơdrong hơmơt tơpŏh tôch kơtang tơdăh đei sơmach jĭ. Kơ iĕng Thủ tướng jei pơkă athei rim dêh char pơlei tơm ư̆h kơ gơ̆h pơhơi, kăl hơvơn pơđĭ khŭl chĭnh trĭ vang iung jang, ‘nĕ prăh prang hơdrô̆ hơnĭh bơ̆ jang pơgang iung jang tang găn jĭ.

Tơblơ̆ nơ̆r: Amazưt