VOV4.Bahnar - Dơnŏ anĭh tơm vei lăng trong nơnăm, hơnĭh jang Gre păr păng rim hơnĭh tơm, hơnĭh bơ̆ jang ƀơm trŭh tơroi tơbăt rim kơdră chĕp pơgơ̆r, pơtrŭt bơ̆ jang hơmet ăn pơ̆ih dơ̆ng rim trong păr chơ tơmoi apŭng plĕnh tĕh, đei trong jang hơdăh vă bơngai Việt Nam oei tơ̆ tĕh đak đe răt vĕ brŏk vĭh tơ̆ tĕh đak, xek tơlang hrô̆ih păng rơvơn tơdrong ‘mĕh vă brŏk tơ̆ tĕh đak đơ̆ng kon pơlei. ‘Nau nơ̆r athei đơ̆ng Kơ iĕng Thủ tướng Vũ Đức Đam, Kơ iĕng Kơdră Dơnŏ anĭh chĕp pơgơ̆r Tĕh đak tang găn jĭ Covid-19 tơ̆ jơ bơ̆ jang hăm Dơnŏ anĭh tơm vei lăng jang pơgang păng mĭnh ƀar hơnĭh tơm, hơnĭh bơ̆ jang đei ƀơm trŭh găh tơdrong bơngai Việt Nam oei tơ̆ tĕh đak đe, bơngai tĕh đak đe ‘mĕh vă năm tơ̆ Việt Nam đei pơgơ̆r lơ̆m kơsơ̆ năr 8/12. KIơ̆ nơ̆r tơgop đơ̆ng rim hơnĭh tơm, hơnĭh bơ̆ jang, Kơ iĕng Thủ tướng Vũ Đức Đam pơma hơdăh: ‘ngoăih tơdrong ‘mĕh vă sơng rim bơngai joăt jang, kih sư, bơngai jang kih thuơ̆t hơgei tĕh đak đe, tơmoi tĕh đak đe tơgŭm ăn atŏk tơ iung mŭk drăm-tơpôl, rim hơnĭh tơm, hơnĭh jang kăl lăng kơ jăp trŭh tơdrong ‘mĕh vă brŏk vĭh tơ̆ tĕh đak đơ̆ng kon pơlei Việt Nam năm jang, hŏk pơhrăm, bơ̆ jang, năm ngôi hăm ŭnh hnam tơhlăk tơhlĭn tơ̆ tĕh đak đe kơ yuơ jĭ hơbŭh pơm ăn, adoi nhen kon pơlei Việt Nam oei tơ̆ tĕh đak đe atŭm hăm dôm unh hnam đe sư sơng iŏk đei tơdrong tơgŭm djru lei lăi hăm bơngai Việt Nam kiơ̆ tơdrong tơchơ̆t.  

Tơblơ̆ nơ̆r: Amazưt