VOV4.Bahnar - Kiơ̆ tơ roi tơ băt hơ năn kơ sô̆ kĕ pơ jei kơ dêh char PCI sơ năm 2020 đơ̆ng Anih vei lăng găh mơ dro sa Việt Nam ‘nao tơ băt hơ dăh, 4 lơ̆m 5 dêh char Tây Nguyên hlôi tơ jur điểm kơ sô̆ pơ têng hăm sơ năm 2019. 3 dêh char Tây Nguyên lơ̆m grŭp lơ kơ sơ năm 2019, đei 2 dêh char jur tơ̆ grŭp păh lăp. 3 dêh char Tây Nguyên đei akŏp điểm kơ sô̆ kĕ pơ jei lơ, găh hrŭp lơ sơ năm 2019 ‘noh Lâm Đồng, Gia Lai păng Dak Lak, ‘noh sơ năm ‘nâu, lăp đei Lâm Đồng oei tơ̆ grŭp âu, mă đơ̆ng hlôi tơ jur 1,8 điểm. Dak Lak păng Gia Lai, hăm kơ sô̆ tơ jur 1.59 păng 2.22 điểm, hlôi jur tơ̆ grŭp păh lăp. Hăm Gia Lai, tơ drong tơm ‘noh jĭ yua đơ̆ng Kơ sô̆ pơ vih pơ văn tơ gŭm anih jang mơ dro sa đei tơ jur păng kơ sô̆ pơ tho bơ ngai jang tơ jur. Kŭm kiơ̆ kơ tơ roi tơ băt kơ sô̆ kĕ pơ jei tơ̆ dêh char sơ năm 2020, Tây Nguyên ư̆h kơ đei dêh char hơ yơ chih tơ̆ grŭp tŏ sĕt, mă lei đei 2 dêh char chih tơ mơ̆t lơ̆m grŭp păh lăp. Lơ̆m noh, dêh char Dak Nông, hơ drô̆ đĕch tơ̆ Tây Nguyên tŏk điểm kơ sô̆ pơ têng hăm sơ năm 2019, hăm kơ sô̆ tŏk 1,46 điểm, mă lei oei chih tơ mơ̆t hơ tuch tơ̆ tơ ring păng vă jê̆ tuch luch lơ̆m grŭp păh lăp kơ lơ̆m teh đak.

 Thuem: Tơ blơ̆