VOV4.Bahnar - Trung thu ‘nŏh jĭ Têt kơ đe hơ iŏh, jơ năr mă đe hơ iŏh đei ngôi pơ chơt tôch hơ iă, ngôi hơ dai hăm mĕ ƀă, yă ƀok, xa ngôi tơ mam, lăng rang khei. Mă lei, tơ̆ 1,2 tơ ring lơ̆m tĕh đak, sơ năm ‘nâu lơ mon song Têt Trung thu lơ̆m anih oei hơ drô̆ mă ưh ‘nŏh kŭm hăm unh hnam tơ̆ tơ ring oei pơ vang găn vă tang găn jĭ COVID-19.

Kơ dră tĕh đak Nguyễn Xuân Phúc hăm đe hơ iŏh

Ƀlep ƀât Têt Trung thu, Kơ dră tĕh đak Nguyễn Xuân Phúc gơih kơ thơ ăn kon mon hơ iŏh, lơ̆m kơ thơ đei trong chih: “Mih tôch hơ iă ƀât mă lơ hơ iŏh oei ‘lơ̆p mă lei đĭ jing đe "linh oei hơ iŏh" nuih mơng, băt vei lăng kơ dih ƀât mă unh hnam oei pơm kiơ̆ trong oei hơ drô̆; mĕ ƀă, unh hnam athei oei hơ tăih kơ đe mon vă bơ̆ jang tơ drong tang găn jĭ. Mih tôch hơ iă păng pôk pơ ư kon mon đei đon adrin yak hlŏh mơ mat tat, chu phep, hŏk gơ̆h hơ gei, tơ găl hăm tơ drong pơ ngơ̆t, vei rong đơ̆ng unh hnam păng tơ pôl. Đe mon athei vei kơ jăp jơ hngâm đon ‘mêm tĕh đak, hưch hanh, hơ nơ̆ng pơ tâp pơ hrăm vă tơ gop vang pơ jing tĕh đak bơ̆n roi đunh roi pơ drŏng ‘lơ̆ng rŏ, hơ nŭk hơ noa nhen Ƀok Hô ‘mêm kơ eng hlôi tơ ƀôh đon lui hăm đe kon mon hơ iŏh Việt Nam.”

Dơ̆ng: Tơ blơ̆