VOV4.Bahnar  – Đơ̆ng năr 5 -11/5 , Anih jang Măt trâ̆n tôh kuôk Việt Nam dêh char Khánh Hòa pơgơ̆r akŏm pơma dơnuh hăm kon pơlei pôk rơih hăm dôm bơngai lĕch măt tơgar jang tang măt ăn Kuôk hô̆i jăl 15 jăl xơnăm  2021 - 2026. Kơdră Anih jang Mŭk drăm Trung ương Trần Tuấn Anh vang năm Hop akŏm tơ̆ Anih pơgơ̆r pôk rơih kơsô̆ 1, đei thĭ xăh Ninh Hòa păng apŭng Vạn Ninh, dêh char Khánh Hòa. Lơ̆m dôm tơdrong akŏm pơma dơnuh hăm kon pơlei hơvơn pôk rơih, ƀok Trần Tuấn Anh hlôi tơbang tơdrong pơkăp pơm jang kơ po. Minh ƀar tơdrong jang tơm đei Kơdră Anih jang Mŭk drăm Trần Tuấn Anh xơkơ̆t noh: Tơguăt kơjăp hăm tơring, tơguăt kơjăp hăm kon pơlei, tơmơ̆ng tơdrong đei ƀôh lơ̆m tơdrong erih kơ kon pơlei păng anih jang mŭk drăm vă hơlen, tơgŭm, pơtruh nơ̆r hăm Trung ương pơjing trong pơkăp jang tih kơyuơ tơdrong pơyua ăn teh đak, ăn hơdrung hơdrĕch, kơyuơ kon pơlei, iŏk kon pơlei pơm tơm păng jing xơnong jang vă hơtŏk mŭk drăm – tơpôl đei tơbang lơ̆m Tơchơ̆t Hop akŏm bơngai jang tang măt 'măng mă 18 Đảng ƀô̆ dêh char Khánh Hòa hăm tơdrong tơm vă hơ 'nhăk mŭk drăm dêh char Khánh Hòa hơtŏk tenh, kơjăp xơđơ̆ng.

Lan chih păng pơre nơ̆r