VOV4.Bahnar  – Ƀơ̆t tơbăt 91 xơnăm Năr juăt jue Măt trâ̆n tôh kuôk Việt Nam (18/11), kơmăng năr 15/11, Kơdră Anih jang nô̆i chĭnh trung ương Phan Đình Trạc hlôi truh apong Kueng kơphô̆ 3 Phan Chu Trinh, phương  9, plei tơm Đà Lạt (Lâm Đồng). 'Nâu jing kueng kơphô̆ mă blŭng kơ Đà Lạt đei Anih jang Măt trâ̆n tôh kuôk Việt Nam dêh char Lâm Đồng xơkơ̆t jing tơring oei xa rơgei.

Ƀok Phan Đình Trạc xơkơ̆t păng pôk bơnê kơ dôm tơdrong đei jơnei mă jơnŭm pơgơ̆r tơring, anih jang Măt trâ̆n tôh kuôk păng kon pơlei tơ̆ âu hlôi đei jơnei lơ̆m khei năr âu ki. Mă hăt noh tơdrong tơgŭm dih băl găh hơtŏk mŭk drăm, yak hloh tơnap tap lơ̆m khei năr pơrang jĭ Covid-19 oei hơbuh hli păng vei kơjăp hơnăn pơkăp tơring oei xa rơgei. Kơdră Anih jang Nô̆i chĭnh trung ương Phan Đình Trạc 'meh vă kon pơlei Kueng kơphô̆ 3 Phan Chu Trinh pơtoi tơguăt tơguăl, chĕp vei đon bơnôh bơngai Đà Lạt “dơnưp, 'lơ̆ng, 'mêm kơ tơmoi”. Ƀơ̆t 'măng âu, ƀok Phan Đình Trạc pơjao tơmam pôk ăn Kueng kơphô̆ 3 Phan Chu Trinh, Anih jang Trung ương Măt trâ̆n tôh kuôk  Việt Nam, dêh char Lâm Đồng păng plei tơm Đà Lạt duh pơjao tơpu tơmam ăn 7 unh hnam mă teh đak tơchơ̆t tơgŭm păng 5 unh hnam jang rơgei.

Lan chih păng pơre nơ̆r