VOV4.Bahnar - Kơsơ̆ năr 15/10, Kơdră chĕp pơgơ̆r Ban Bí thư Võ Văn Thưởng pơma đam hăm Kơdră chĕp pơgơ̆r Ban Bí thư Đảng - Kon pơlei Cách mạng Lào - Kơ iĕng Kơdră chĕp pơgơ̆r tĕh đak Cộng hòa Dân chủ Nhân dân Lào. Ƀar păh hlôi tơroi tơbăt dĭh băl găh tơdrong Đảng kơdĭh, Tĕh đak kơ dĭh; tơbăt dĭh băl trong jang hơ iă lơ̆m bơ̆ jang tơ iung pơjing Đảng, tơ iung pơjing trong jang chĭnh trĭ, bơ̆ jang tang găn sa pơgơ̆m pơjĭp, bơ̆ jang dăr lăng, lăng hơlen, tơbrar Đảng păng rim trong jang tơlĕch jang kiơ̆ Tơdrong Tơchơ̆t Pơm lê̆h Hop akŏm kơ Đảng. Ƀar ‘nu kơdră jei tơbăt dĭh băl kơtơ̆ng ang, trong jang hơ iă lơ̆m bơ̆ jang tang găn jĭ Covid-19 adoi hăm tơdrong atŏk tơ iung mŭk drăm-tơpôl tơ̆ tĕh đak kơ dĭh lơ̆m khei năr au ki; pơma hơdăh, mă đơ̆ng oei đei lơ tơdrong tơnap tap mă lei ƀar păh ling lang tơgŭm djru dĭh băl tơtom, jơnei, tơbăt hơdăh jơhngơ̆m đon tơgoăt tơgoăl ‘nhŏng ŏh ‘lơ̆ng hơ iă păng tơdrong joăt joe tơgŭm djru ‘mêm mơnat dĭh băl ƀar păh hơdrĕch hơdrung Việt Nam - Lào.

Tơblơ̆ nơ̆r: Amazưt