VOV4.Bahnar - Pơgê năr 19/11, Bí thư Trung ương Đảng, Kơdră chĕp pơgơ̆r Ban Tuyên giáo Trung ương Nguyễn Trọng Nghĩa, atŭm hăm rim Kơdră tang măt Kuô̆k hô̆i dêh char Tây Ninh jăl XV vang năm Hop akŏm tơ ƀơ̆p pơma dơnŭh hăm bơngai tăh hla ‘nŏh rim Kơdră chĕp pơgơ̆r khul lui khop, khŭl hŏk jrŭ, khŭl ƀô̆ đô̆i kŏng ang apŭng sơlam tĕh đak Tân Châu, dêh char Tây Ninh lăp đơ̆ng rŏng hop akŏm mă 2, Kuôk hô̆i jăl XV. Tơ̆ jơ tơ ƀơ̆p, Kơdră chĕp pơgơ̆r Ban Tuyên giáo Trung ương Nguyễn Trọng Nghĩa tơgoăt iŏk dôm nơ̆r tơgop đơ̆ng bơngai tăh hla Tân Châu, athei khŭl kơdră chĕp pơgơ̆r Đảng, tơring lăng ba kơ jăp, đei trong hơmet pơ ‘lơ̆ng, xek tơlang rim tơdrong mă kơdră tơring gơ̆h bơ̆ jang. Lơ̆m khei năr kơnh, kăl hơnơ̆ng atŏk kơtang bơ̆ jang tang găn jĭ Covid-19, ư̆h kơ gơ̆h pơhơi lơ̆m tơdrong jang au tơ̆ tơring sơlam tĕh đak.

Tơblơ̆ nơ̆r: Amazưt