VOV4.Bahnar - Pơgê năr 27/1, khu\l bơ\ jang Kơdră che\p pơgơ\r Binh đoàn 16 kơ yuơ Đại tá Nguyễn Đức Họp, Kơ ie\ng Kơdră che\p pơgơ\r Binh đoàn hlôi năm ngôi păng hmach Têt Dơno\ an^h Đảng dêh char Dak Nông. Đại tá Nguyễn Đức Họp hmach chơt hơ iă dôm tơdrong io\k đei jơnei kơ Dơno\ an^h Đảng, khu\l kơdră che\p pơgơ\r păng kon pơlei dêh char Dak Nông io\k đei lơ\m sơnăm 2020, adoi bơnê tơdrong lăng ba đơ\ng khu\l kơdră Đảng, kơdră tơring ‘măn ăn Binh đoàn 16.

Kơdră che\p pơgơ\r Binh đoàn 16 năm ngôi, hmach Têt Dơno\ an^h Đảng dêh char Dak Nông

Khei năr kơnh, dêh char hơnơ\ng tơgu\m djru, pơjing rơvơn ăn dơno\ an^h [o# đo#i au jang keh đang tơdrong jang, tơgop lơ\m ato\k tơ iung mu\k drăm-tơpôl, vei lăng sơđơ\ng te\h đak – sơđơ\ng dơ\ng kơ jăp lơ\m dêh char. Tơ\ jơ tơ [ơ\p, [ok Võ Đình Tín, Kơdră che\p pơgơ\r Hơn^h jang Dăr lăng Dơno\ an^h Đảng dêh char Dak Nông hmach bơnê, hôn bơnê kơtang dôm tơdrong io\k đei jơnei kơ Tơdrong vă jang ato\k tơ iung mu\k drăm jang hloi vei lăng sơđơ\ng te\h đak- sơđơ\ng dơ\ng kơ jăp tơring đơ\ng Binh đoàn 16 hlôi tơgop lơ\m tơ iung pơjing tơdrong jang ch^nh tr^ păng ato\k ‘lơ\ng tơdrong er^h sa ăn kon pơlei tơ\ hơn^h [o# đo#i oei.

Tơblơ\ nơ\r: Amazưt