VOV4.Bahnar - Pơgê năr 19/11, tơ̆ Hà Nội, Kơdră chĕp pơgơ̆r Dơnŏ anĭh tơm vei lăng hnam trương pơtho pơhrăm tơ ƀơ̆p muh măt rim ƀok thây kô kon kông jang hơgei đei pôk pơ ư lơ̆m tơdrong jang “Vang hơlêm atŭm hăm ƀok thây kô” sơnăm 2020. Tơ̆ jơ tơ ƀơ̆p mŭh măt, rim ƀok thây kô hlôi tơbăt tơdrong pơtho pơhrăm, dôm tơdrng tơnap tap lơ̆m pơtho chư ăn hơ iŏh kon kông, dôm trong tơchăr hle ƀai pơtho tơgŭm ăn hŏk tro hŏk pơhrăm ƀônh hlô̆h vao lơ̆m khei ‘năr đei jĭ hơbŭh Covid-19 păng dôm tơdrong hơpơi ‘mĕh vă găh trong bơ̆ jang đơ̆ng Đảng păng tĕh đak ‘măn ăn rim ƀok thây kô păng hŏk tro tơring atăih yăih, kon kông mơmat tat. Tơ̆ jơ tơ ƀơ̆p, Kơ iĕng Kơdră chĕp pơgơ̆r Dơnŏ anĭh tơm vei lăng Hnam trương pơtho pơhrăm Ngô Thị Minh tơbăt: Dơnŏ anĭh tơm vei lăng hnam trương pơtho pơhrăm gô akŏm păng đei pơgơ̆r hop akŏm tơlĕch rim trong jang, trong tơgŭm djru ăn rim ƀok thây kô pơtho tŏk bŏk prăt măng prăt năr vei lăng năng tông, pơtho pơhrăm ăn hŏk tro tơring atăih yăih, tơring kon kông..

Tơblơ̆ nơ̆r: Amazưt