VOV4.Bahnar - Hơnơ̆ng iung jang hăm rim hơnĭh bơ̆ jang kơ Kuô̆k hô̆i, năr 26/4, Kơdră chĕp pơgơ̆r Kuô̆k hô̆i Vương Đình Huệ pơm tơm jơ bơ̆ jang hăm Khul kơdră Dơnŏ anĭh bơ̆ jang rim tơdrong jang Tơpôl, Dơnŏ anĭh bơ̆ jang Khôi luơ̆t kơ Kuô̆k hô̆i. Iung pơma tơ̆ jơ bơ̆ jang, Kơdră chĕp pơgơ̆r Kuô̆k hô̆i Vương Đình Huệ akhan, Khŭl kơdră Dơnŏ anĭh bơ̆ jang rim tơdrong jang Tơpôl kăl băt hơdăh kơtang tơdrong jang, hơnăp jang kơ hơnĭh au lơ̆m rim tơdrong jang nhen tơdrong jang, jang pơgang, măt bơngai kon pơlei, erĭh sa tơpôl, tơdrong pơ yua ăn tơpôl, kơdră khŭl drŏ kăn nghĭ si ... jei jing dôm tơdrong tơnap păng đei tơdrong lang să kơtang. Kơdră chĕp pơgơ̆r Kuô̆k hô̆i Vương Đình Huệ athei, Hơnĭh au ư̆h khan lăp lăng ba rim tơdrong tơpôl găh hơnĭh chĕp pơgơ̆r mă lei kăl lăng ba trŭh rim tơdrong tơpôl lơ̆m rim tơdrong jang mŭk drăm; iung jang dăr lăng khôi luơ̆t; tơplĭh ‘nao, atŏk jang ‘lơ̆ng, jơnei bơ̆ jang kơ Hơnĭh jang lơ̆m rim tơdrong bơ̆ jang khôi luơ̆t, dăr lăng păng xek tơlang rim tơdrong kăl kơ tĕh đak, mă kăl ‘nŏh kăl hơnhăk đei tơdrong ‘lơ̆ng hơ iă kơ erĭh sa lơ̆m ‘lơ̆ng liĕm lơ̆m hop akŏm Kuô̆k hô̆i, lơ̆m rim tơdrong vă pơjing khôi luơ̆t.

Tơblơ̆ nơ̆r: Amazưt