VOV4.Bahnar - Bơ̆ jang hăm Hơnĭh tơm Răk mong hla bơar Tĕh đak găh kon pơlei, Hơnĭh tơm Kanh sat Vei lăng bơ̆ jang găh sơđơ̆ng Tơpôl, Dơnŏ anĭh tơm Kŏng an lơ̆m kơsơ̆ năr 27/8, Kơdră chĕp pơgơ̆r Kuô̆k hô̆i Vương Đình Huệ pơma hơdăh, hơnĭh răk mong hla bơar tĕh đak găh kon pơlei ‘nŏh mŭk drăm kơ tĕh đak, kơ yuơ lơ lŏh, kăl vei lăng, iŏk yua, atŏk kơtang tơdrong kăl kơ hơnĭh răk au vă tơgŭm ăn bơ̆ jang atŏk tơ iung mŭk drăm-tơpôl kơ tĕh đak. Dôm năr au, lơ̆m tĕh đak tŏk bŏk atŏk tơlĕch ăn trong jang kăl hlŏh tang găn jĭ hơbŭh. Kơdră chĕp pơgơ̆r Kuô̆k hô̆i Vương Đình Huệ athei, Dơnŏ anĭh tơm Kŏng ang hơnơ̆ng pơrô̆ đĭ đăng khŭl bơ̆ jang kơtang lơ̆m tang găn jĭ hơbŭh Covid-19, hơdrin kơtang atŭm lơ̆m khŭl chĭnh trĭ tang găn kĕ jĭ hơbŭh Covid-19 lơ̆m khei ‘năr tĕnh koăng hlŏh. Hăm tơdrong jang tơ iung pơjing Hơnĭh răk mong hla bơar găh kon pơlei oei; chŏh jang sa, ƀơk ăn păng vei lăng kăn kươk kon pơlei, Kơdră chĕp pơgơ̆r Kuô̆k hô̆i Vương Đình Huệ pơma hơdăh, hơnĭh răk mong tĕh đak găh kon pơlei ‘nŏh mŭk drăm tĕh đak. Kơ yuơ lơ lŏh, kăl vei lăng, iŏk yua kơ jăp ‘lơ̆ng hơnĭh răk mong au vă tơgŭm ăn atŏk tơ iung mŭk drăm-tơpôl kơ tĕh đak.

Tơblơ̆ nơ̆r: Amazưt