VOV4.Bahnar - Pơgê brei, năr 24/3, tơ̆ Hnam Kuô̆k hô̆i, pơgơ̆r pơm lê̆h pơgơ̆r blŭng a hop akŏm 11, Kuô̆k hô̆i jăl 14.

Iung pơma pơgơ̆r hop akŏm blŭng a, Kơdră chĕp pơgơ̆r Kuô̆k hô̆i Nguyễn Thị Kim Ngân pơma hơdăh, ‘nau jing ‘măng hop akŏm tơgoăt, tơgop lơ̆m pơjao jăl jang kơ rim hơnĭh bơ̆ jang chĕp pơgơ̆r tĕh đak.

Kơdră chĕp pơgơ̆r Kuô̆k hô̆i Nguyễn Thị Kim Ngân pơma hơdăh, tơ̆ hop akŏm au, Kuô̆k hô̆i gô pơma dơnŭh, lăng hơlen tơdrong jang lơ̆m jăl XIV kơ Kuô̆k hô̆i; lăng hơlen rim hla bơar chĭh tơbăt bơ̆ jang jăl jang 2016-2021 đơ̆ng Kơdră chĕp pơgơ̆r tĕh đak, Dơnŏ anĭh chĕp pơgơ̆r Kuôk hô̆i, Khul kơdră chĕp pơgơ̆r tĕh đak, Hơnĭh xek tơlang tơm, Viện kiểm sát nhân dân tối cao, Hơnĭh tơm jang hơlen jên hu tĕh đak. Kiơ̆ đơ̆ng nŏh, lăng hơlen, pơdrơ̆ng kiơ̆ Tơdrong tơchơ̆t hơdăh tơdrong bơ̆ jang kơ rim hơnĭh bơ̆ jang tĕh đak jăl jang 2016-2021.

Tơblơ̆ nơ̆r: Amazưt