VOV4.Bahnar - Kơsơ̆ năr 14/5, tơ̆ Hnam Kuô̆k hô̆i, Kơdră chĕp pơgơ̆r Kuô̆k hô̆i Vương Đình Huệ sơng pơma dơnŭh hăm Kơdră tang măt Campuchia Chay Navuth, Kơdră tang măt Nhật Bản Yamada Takio  trŭh kŭh ka hla bat. Tơ̆ jơ tơ ƀơ̆p Kơdră tang măt Campuchia Chay Navuth, Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh, Việt Nam ling lang lăng kơ jăp păng ‘măn tơdrong tơgŭm kơtang ăn hơmet pơ ‘lơ̆ng păng atŏk kơtang tơgoăt tơgoăl hăm Campuchia. Kơdră tang măt Campuchia Chay Na-vút lui akhan, hăm tơdrong hơmet ăn tôch kơtang nhen hrei au, Việt Nam gô pơgơ̆r jơnei ‘măng pôk rơ̆ih Kơdră tang măt Kuô̆k hô̆i jăl XV păng kơdră tang măt Jơnŭm vei lăng kon pơlei jăl jang 2021-2026 lơ̆m năr 23/5 kơnh. Sơng pơma dơnŭh hăm Kơdră tang măt Nhật Bản Yamada Takio, Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh Việt Nam lling lang lăng Nhật Bản jing tĕh đak jang hơdoi gĭt kăl hlŏh, đunh đai tai sơnăm; tơgŭm djru Nhật Bản tơgop kơtang ăn rơngei hiôk hian păng atŏk tơ iung lơ̆m tơring păng lơ̆m apŭng plĕnh tĕh. Kơdră chĕp pơgơ̆r Kuô̆k hô̆i Vương Đình Huệ ‘mĕh vă Nhật Bản klăh asong tĕch ăn vaccine, jang hơdoi găh pơtho tơbăt jang kmăi kmŏk pơm tơlĕch vaccine tang găn Covid -19 ăn Việt Nam.

Tơblơ̆ nơ̆r: Amazưt