VOV4. Bahnar - Pơgê năr 12/4, tơ̆ Hà Nội pơgơ̆r Hop akŏm tơbăt hơdăh Tơdrong tơchơ̆t đơ̆ng Kuô̆k hô̆i găh pôk tơmơ̆t kơdră chĕp pơgơ̆r Dơnŏ anĭh tơm jang jên hu Tĕh đak jăl jang 2016-2021 păng pơjao tơdrong jang đơ̆ng Kơdră chĕp pơgơ̆r Hơnĭh tơm jang jên hu tĕh đak. Tang măt ăn Kơdră chĕp pơgơ̆r Đảng đoàn Kuô̆k hô̆i, Dơnŏ anĭh bơ̆ jang chĕp pơgơ̆r Kuô̆k hô̆i, Kơdră chĕp pơgơ̆r Kuô̆k hô̆i Vương Đình Huệ hmach chơt hơ iă ăn Kơdră hle chĕp pơgơ̆r Hơnĭh jang hơlen jên hu tĕh đak Trần Sỹ Thanh đei Kuô̆k hô̆i pôk tơmơ̆t hăm kơphĭu lơ. Kơdră chĕp pơgơ̆r Kuô̆k hô̆i Vương Đình Huệ lui akhan, ƀok Trần Sỹ Thanh atŭm hăm khŭl chĕp pơgơ̆r đảng, kơdră đảng păng hơnĭh jang Hơlen jên hu Tĕh đak hơnơ̆ng chĕp pơgơ̆r dăr lăng hơlen jên hu tĕh đak jang kiơ̆ tơdrong jang đei pơjao. Kơdră chĕp pơgơ̆r Kuô̆k hô̆i Vương Đình Huệ pơma hơdăh, Dơbnŏ anĭh jang Hơlen jên hu Tĕh đak kăl atŏk kơtang jang hơdoi kơ jăp hăm rim hơnĭh bơ̆ jang lơ̆m lăng hơlen, xek tơlang rim tơdrong pơm glăi, atŏk kơtang iung tơ jră tang găn sa pơgơ̆m pơjĭp, brăh brư, ƀô̆h, xek tơlang kơ hret rim tơdrong pơm glăi, pơm kơnê̆ lơ̆m jang dăr lăng hơlen jên hu adoi nhen lơ̆m tơdrong bơ̆ jang vei lăng, iŏk yua mŭk drăm tĕh đak păng jên hu Tĕh đak.

Tơblơ̆ nơ̆r: Amazưt