VOV4.Bahnar - Tơ̆ kơsơ̆ năr 1/10, tơ̆ Hnam Kuôk hô̆i, Kơdră chĕp pơgơ̆r Kuô̆k hô̆i Vương Đình Huệ vang năm pơm lê̆h tơbăt hơdăh Tơdrong tơchơ̆t găh tơdrong bơ̆ jang păng tơdrong jang kơ Dơnŏ anih tơm chă tơchĕng Pơjing Khôi luơ̆t păng ‘măng hop akŏm kơ Jơnŭm khoa hŏk kơ Dơnŏ anĭh bơ̆ jang Kuô̆k hô̆i.

Kơdră chĕp pơgơ̆r Kuô̆k hô̆i Vương Đình Huệ hmach chơt hơ iă ăn Dơnŏ anĭh tơm chă tơchĕng pơjing khôi luơ̆t đei trong jang ‘nao vă hơnơ̆ng atŏk kơtang chă tơchĕng pơjing khôi luơ̆t, trong jang kăl; hmach chơt hơ iă ăn Dơno anĭh bơ̆ jang Kuô̆k hô̆i đei Jơnum Khoa hŏk kơ jăl jang 2021-2026.  Găh tơdrong jang kơ Dơnŏ anĭh tơm chă tơchĕng Khôi luơ̆t lơ̆m khei năr trŭh au, Kơdră chĕp pơgơ̆r Kuô̆k Hô̆i Vương Đình Huệ athei, Dơnŏ anĭh au hrôih pơjing rim tơdrong tơchơ̆t găh tơdrong bơ̆ jang, trong jang kơ rim hơnĭh, tơdrong jang anai kiơ̆ Tơdrong tơchơ̆t hlôi đei pơjao, tơlĕch trong hơmet ming pơ ‘lơ̆ng hơnĭh jang. Mă kăl krao tơmơ̆t bơngai jang bơ̆ jang gơ̆h hơgei, hơlêm pơtrŭt pơjing khŭl joăt jang đơ̆ng păh ‘ngoăih, jang hơdoi jơhngơ̆m đon hơgei đơ̆ng rim bơngai joăt jang, rim bơngai khoa hŏk, rim bơngai hŏk pơhrăm, hnam trương lơ̆m bơ̆ jang chă tơchĕng hơlen.

Tơblơ̆ nơ̆r: Amazưt