VOV4.Bahnar - Sơng iŏk nơ̆r krao hơvơn đơ̆ng Kơdră chĕp pơgơ̆r Kuô̆k hô̆i Phần Lan Anu Vehvilainen, Kơdră chĕp pơgơ̆r Kuô̆k hô̆i Vương Đình Huệ atŭm hăm Khŭl kơdră tang măt kơdră kơpal kơ Kuô̆k hô̆i tĕh đak bơ̆n iung năm tơmang tĕh đak Phần Lan lơ̆m 2 năr, năr 10-11/9. ‘Măng năm tơmang đơ̆ng Kơdră chĕp pơgơ̆r Kuô̆k hô̆i Việt Nam đơ̆ng rŏng 28 sơnăm vă pơtrŭt kơtang hlŏh dơ̆ng tơgoăt tơgoăl dĭh băl joăt joe đơ̆ng sơ̆ păng jang hơdoi lơ tơdrong hăm Phần Lan pơma atŭm păng hăm Kuô̆k hô̆i Phần Lan pơma hơdrô̆; pơ̆ih trong ăn hơmŏ jang hơdoi ‘nao lơ̆m tơgoăt tơgoăl dĭh băl adoi nhen jang hơdoi lơ̆m tơring păng apŭng plĕnh tĕh. Lơ̆m ‘măng năm tơmang au, Kơdră chĕp pơgơ̆r Kuô̆k hô̆i Vương Đình Huệ năm kŭh ka hla bat ăn Ƀok Kơdră tơm Phần Lan; pơma dơnŭh hăm Thủ tướng Phần Lan; pơma đam hăm Kơdră chĕp pơgơ̆r Kuô̆k hô̆i Phần Lan; sơng pơma dơnŭh hăm rim Kơdră chĕp pơgơ̆r pơlei tơm; pơma đam hăm mĭnh ƀar CEO grŭp jang tĭh kơ Phần Lan; vang năm pơm lê̆h kĭ pơkăp kơ mĭnh ƀar hơnĭh mơdro sa Việt Nam - Phần Lan; tơ ƀơ̆p Kơdră tang măt tĕh đak păng bơngai tang măt kon pơlei Việt Nam oei tơ̆ Phần Lan.

Tơblơ̆ nơ̆r: Amazưt