VOV4.Bahnar - Kơsơ̆ năr 12/4, tơ̆ Hnam Kuô̆k hô̆i pơgơ̆r hop akŏm mă 5, Jơnŭm pôk rơ̆ih Tĕh đak. Kơdră chĕp pơgơ̆r Kuô̆k hô̆i Vương Đình Huệ, Kơdră Jơnŭm pôk rơ̆ih tĕh đak pơm tơm hop akoưm. ‘Nau ‘măng hop akom blŭng a mư̆h mĭnh ƀar ‘nu kơdră jang lơ̆m Jơnŭm pôk rơ̆ih Tĕh đak đei tôm. Kơdră chĕp pơgơ̆r Kuô̆k hô̆i Vương Đình Huệ, Kơdră chĕp pơgơ̆r Jơnŭm pôk rơ̆ih Tĕh đak hơlen, khei ‘năr đơ̆ng dang ei truh pơgơ̆r pôk rơ̆ih Kơdră tang măt Kuô̆k hô̆i jăl 15 păng Jơnŭm vei lăng kon pơlei jăl jang 2021-2026 pă đei đunh bơih, tơdrong jang ‘nŏh tĭh tên, tơ̆ hop akom au, rim kơdră jang lơ̆m Jơnŭm pôk rơ̆ih Tĕh đak mơ̆ng tơroi tơbăt păng pơma dơnuh găh tơdroing tơlĕch tơdrong jang đơ̆ng rŏng hop akŏm Jơnŭm pôk rơ̆ih Tĕh đak ‘măng mă 4 trŭh dang ei; mơ̆ng tơroi tơbăt bơ̆ jang hơmet ăn Hop akŏm pơma dơnŭh ‘măng mă pêng; ăn tơgop nơ̆r mĭnh ƀar tơdrong tĭh kăl kơ chăng mư̆h hơnơ̆ng tơlĕch jang kiơ̆ lơ̆m khei năr kơnh. Kơdră chĕp pơgơ̆r Kuô̆k hô̆i Vương Đình Huệ athei, atŏk kơtang bơ̆ jang pơrô̆ pơrôp tơroi tơbăt găh pôk rơ̆ih, vă năr pôk rơ̆ih tơpă jing năr lê̆h tĭh kơ kon pơlei.

Tơblơ̆ nơ̆r: Amazưt