VOV4. Bahnar - Pơgê năr 23/6, Kơdră chĕp pơgơ̆r Kuô̆k hô̆i Vương Đình Huệ pơma đam hăm kơdră chĕp pơgơ̆r Kuô̆k hô̆i Hàn Quốc Park Byeong Seug.

Kơdră chĕp pơgơ̆r Kuô̆k hô̆i Vương Đình Huệ pơma đam hăm Kơdră chĕp pơgơ̆r Kuô̆k hô̆i Hàn Quốc

Kơdră chep pơgơ̆r Kuô̆k hô̆i Vương Đình Huệ pơma hơdăh, Việt Nam lăng kơ jăp păng ‘mĕh vă atŏk tơ iung tơgoăt tơgoăl jang hơdoi gĭt kăl hăm Hàn Quốc, ling lang lăng Hàn Quốc ‘nŏh jing tĕh đak jang hơdoi kăl, đunh đai păng jing mĭnh lơ̆m dôm tĕh đak jang hơdoi kăl lơ̆m tơgoăt tơgoăl apŭng plĕnh tĕh kơ Việt Nam. Tơ̆ pơma đam, ƀar ‘nu Kơdră chĕp pơgơ̆r Kuô̆k hô̆i jei akhan, ƀar păh kăl hơnơ̆ng pơtrŭt kơtang tơgoăt tơgoăl jang hơdoi ƀar păh Kuô̆k hô̆i păng ƀar tĕh đak ‘moi kiơ̆ rim trong jang hơdăh nhen: hơnơ̆ng chă năm ngôi dĭh băl, tơ ƀơ̆p dĭh băl kơ khŭl kơdră kơpal păng rim hơnĭh hăm rim trong trŏ ƀlep; pơjing rơvơn ăn rim tơring păng kon pơlei ƀar tĕh đak atŏk kơtang jang hơdoi, năm ngôi dĭh băl; pơgơ̆r rim tơdrong jang hơ iă tơbăt 30 sơnăm năr pơjing tơbôl jang hơdoi kơ ƀar păh, lơ̆m au đei rim tơdrong pơgơ̆r pơma dơnŭh dĭh băl ƀar păh rim hơnĭh bơ̆ jang kơ Kuô̆k hô̆i ƀar tĕh đak.

Tơblơ̆ nơ̆r: Amazưt