VOV4. Bahnar - Ƀlep lơ̆m năr ƀok Hosoda Hiroyuki đei pôk tơmơ̆t jang Kơdră chĕp pơgơ̆r Hă viên Nhật Bản, Kơdră chĕp pơgơ̆r Kuô̆k hô̆i Vương Đình Huệ hlôi pơtrŭh kơthơ hmach bơnê. Lơ̆m kơthơ, Kơdră chĕp pơgơ̆r Kuô̆k hô̆i Vương Đình Huệ tơbăt jơhngơ̆m đon chơt hơ iă ƀô̆h hơdăh akhan, hăm tơdrong hơdrin atŭm đơ̆ng ƀar păh, tơgoăt tơgoăl “Jang hơdoi kơtang jơ̆p jang kơ yuơ rơngei hiôk hian păng pơdrŏng hơnŭk hơnoa tơ̆ châu Á” ƀar păh Việt Nam păng Nhật Bản roi năr roi atŏk tơ iung kơtang păng tơpă hlŏh dơ̆ng lơ̆m rim tơdrong; adoi lui akhan, ƀok Hosoda Hiroyuki gô bơ̆ jang keh đang kơtang tơdrong bơ̆ jang gĭt kăl kơdĭh, tơgop hơnhăk Nhật Bản hơnơ̆ng atŏk tơ iung pơdrŏng hơnŭk hơnoa. Kơdră chĕp pơgơ̆r Kuô̆k hô̆i hơmŏ hrô̆ih đei tơ ƀơ̆p Kơdră chĕp pơgơ̆r Hă viên Nhật Bản vă vang chă pơma dơnŭh găh trong jang hơdoi ƀar păh tĕh đak păng ƀar păh Kuô̆k hô̆i Việt Nam păng Hă viên Nhật Bản lơ̆m khei năr kơnh.

Tơblơ̆ nơ̆r: Amazưt