VOV4.Bahnar - Ƀlep lơ̆m năr Pơm lê̆h Tĭh Phật đản sơnăm 2021, Phật lịch 2565, năr brei (17/05) tang măt ăn Dơnŏ anĭh Trung ương Mặt trận Tổ quốc Việt Nam, Bí thư Trung ương Đảng, Kơdră chĕp pơgơ̆r Dơnŏ anĭh Trung ương MTTQ Việt Nam Đỗ Văn Chiến hlôi đei kơthơ hmach chơt hơ iă ăn kon pơlei lui phật lơ̆m tĕh đak. Lơ̆m kơthơ ƀok Đỗ Văn Chiến pơtrŭh nơ̆r hmach ‘lơ̆ng hơ iă hlŏh trŭh hăm rim ƀok chĕp pơgơ̆r lui phật, atŭm hăm kon pơlei lui Phật Việt Nam. Hmach ăn pơ đĭ khŭl lui phật lơ̆m tĕh đak păng tĕh đak đe sơng mĭnh pơyan Phật đản chơt hơ iă ‘nă hăl păng ling lang tơgoăt tơgoăl kơ jăp lơ̆m Khŭl tơgoăt tơgoăl pơ đĭ hơdrĕch hơdrng. Lơ̆m jơ ‘năr chơt hơ iă ‘nă hal tơbăt năr rơnĕh ƀok Phât ‘măng mă 2645, chơt hơ iă Năr lê̆h pơ đĭ kon pơlei năm tăh hla pôk rơ̆ih kơdră tang măt Kuô̆k hô̆i păng Jơnŭm vei lăng kon pơlei, ƀok Đỗ Văn Chiến lui akhan, Khul lui Phật Việt Nam gô hơnơ̆ng kiơ̆ yok rok jơ̆ng tơgoăt joăt joe ‘lơ̆ng rŏ lơ̆m oei sa, jơhngơ̆m đon ‘lơ̆ng păng jơhngơ̆m pran kơ Khŭl lui Phật vă atŭm hăm Kon pơlei lơ̆m tĕh đak yak hlŏh jĭ hơbŭh Covid-19 ‘măng mă au.

Tơblơ̆ nơ̆r: Amazưt