VOV4.Bahnar - Pơgê năr 22/10, tang măt ăn kơdră chĕp pơgơ̆r Đảng, Tĕh đak, Mặt trận Tổ quốc Việt Nam, Kơdră chĕp pơgơ̆r Tĕh đak Nguyễn Xuân Phúc hlôi năm trŭh tơ̆ Tổ đình Viên Minh (hnam chùa Ráng), tơring Quang Lãng, apŭng Phú Xuyên, Pơlei tơm Hà Nội hơpong Ƀok kră Hòa thượng Thích Phổ Tuệ, Ƀok kơdră chĕp pơgơ̆r Khŭl lui Phật giáo Việt Nam. Tơ̆ pơm lê̆h hơpong, Kơdră chĕp pơgơ̆r Nguyễn Xuân Phúc hlôi ‘măn gơvang pơkao, sŏh hlôt nhang păng tơbăt jơhngơ̆m ƀlŏk hơdơ̆r kơ Ƀok kră Hòa thượng Thích Phổ Tuệ. Ƀok kră Hòa thượng Thích Phổ Tuệ ‘nŏh Kơdră chĕp pơgơ̆r Khŭl lui Phật giáo Việt Nam, Kơdră jang lơ̆m Dơnŏ anĭh Trung ương MTTQ Việt Nam. Ƀok kră Hòa thượng Thích Phổ Tuệ ‘nŏh bơngai lui đei jơhngơ̆m đon gơ̆h hơgei, oei sa ‘lơ̆ng, chĭh tơlĕch kơsơ̆p hla bơar, Ƀok kră Hòa thượng hlôi vang chĭh tơlĕch, tơblang, hơmet lơ hla bơar găh Phật học tơ̆ Việt Nam. Chăl erĭh kơ Hòa Thượng tơ ƀô̆h hơdăh tơdrong oei sa ‘lơ̆ng, gơ̆h găt kơ Phật giáo lơ̆m tơdrong erĭh sa tơpôl. Hăm tơdrong tơgop tĭh tên ăn tĕh đak, Hòa thượng Thích Phổ Tuệ hlôi đei Tĕh đak hôn bơnê păng pôk ăn Mê đai Hồ Chí Minh atŭm hăm lơ tơmam hơpăh gĭt kăl anai.

Tơblơ̆ nơ̆r: Amazưt