VOV4.Bahnar - Gơmăng năr 19/4, Kơdră chĕp pơgơ̆r Tĕh đak Nguyễn Xuân Phúc pơm tơm ‘măng pơma dơnŭh Kơdră kơpal kơ Jơnŭm vei lăng sơđơ̆ng Liên Hợp Quốc kiơ̆ trong pơgơ̆r trư̆k tuyên.

Rup hop akŏm tơ̆ păh tĕh đak Việt Nam

Lăp đơ̆ng rŏng Kơdră chĕp pơgơ̆r tĕh đak Nguyễn Xuân Phúc tơchơ̆t pơgơ̆r blŭng a Pơma dơnŭh, hlôi đei 7 ‘nu bơngai pơma tơblang tơm đei hơvơn iung pơma: ‘nŏh Tổng Thư ký LHQ Antonio Guterres, Kơdră jang tơbôl Brunei Darussalam Dato Erywan Pehin Yusof, Ƀok kơdră tơm Estonia Kersti Kaljulaid, Ƀok kơdră tơm Kenya Uhuru Kenyatta, Kơdră jang tơbôl Trung Quốc Vương Nghị, Tổng thư ký Khŭl Arab Ahmed Aboul Gheith... Atŭm hăm ‘nŏh đei 15 ‘nơ̆r iung pơma gĭt kăl đơ̆ng rim kơdră tang măt ăn rim tĕh đak. Iung pơma tơ̆ Pơma dơnŭh, Tổng Thư ký LHQ hăm Kơdră chĕp pơgơ̆r rim tĕh đak Jơnŭm vei lăng sơđơ̆ng hôn bơnê kơtang trong tơchăr jang đơ̆ng Việt Nam pơgơ̆r tơdrong pơma dơnŭh gĭt kăl au.

Tơblơ̆ nơ̆r: Amazưt