VOV4.Bahnar - Lơ̆m ‘măng iung năm tơmang tĕh đak Cộng hòa Dân chủ Nhân dân Lào, kơsơ̆ năr 9/8, Kơdră chĕp pơgơ̆r tĕh đak Nguyễn Xuân Phúc jei hlôi đei pơma dơnŭh hăm Thủ tướng tĕh đak Lào Phankham Viphavanh. Tơ̆ pơma dơnŭh, ƀar ‘nu kơdră hôn bơnê kơ tang rim trong jang tơ jră tang găn jơnei hăm jĭ hơbŭh Covid-19 kơ ƀar tĕh đak lơ̆m khei năr au ki; adoi pơma tơbăt jơhngơ̆m đon chơt hơ iă găh tơdrong tơgŭm djru tơtom, jơhngơ̆m đon tơgoăt dĭh băl ‘nhŏng ŏh ƀar tĕh đak hlôi ‘măn ăn dĭh băl lơ̆m tơ jră tang găn jĭ hơbuh. Ƀar ‘nu kơdră chĕp pơgơ̆r drơ̆ng mĭnh nơ̆r găh trong jang hơdoi lơ̆m khei năr kơnh, kiơ̆ kơ ‘nŏh pơma hơdăh kăl iung jang hơdoi jang kiơ̆ ‘lơ̆ng rim tơdrong drơ̆ng mĭnh nơ̆r kơdră kơpal, tơlĕch jang kiơ̆ jơnei Tơdrong tơchơ̆t găh jang hơdoi dĭh băl Việt Nam - Lào jăl jang 2021-2025 păng Drơ̆ng mĭnh nơ̆r trong jang hơdoi Việt Nam - Lào jăl jang 2021-2030 adoi ‘măn lơ jơ pơma dơnŭh găh rim trong jang hơdăh vă pơtrŭt kơtang jang hơdoi mŭk drăm, mơdro sa păng tơmơ̆t jên jang.

Tơblơ̆ nơ̆r: Amazưt