VOV4.Bahnar - Pơgê brei (5/4), Kơdră chĕp pơgơ̆r tĕh đak Nguyễn Xuân Phúc hlôi pơm kiơ̆ rim trong tơchơ̆t pơma pơkăp tŏk bơ̆ jang tơ̆ hơla Hla kơ Tĕh đak, tơ̆ hơnăp Kuô̆k hô̆i păng kon pơlei, bơngai tăh hla lơ̆m tĕh đak. Tơdrong tơchơ̆t găh pôk tơmơt ƀok Nguyễn Xuân Phúc iŏk jang Kơdră chĕp pơgơ̆r tĕh đak Cộng hòa xã hội chủ nghĩa Việt Nam đei rim kơdră tang măt Kuô̆k hô̆i pơdrơ̆ng kiơ̆ hăm 468/468 ‘nu kơdră tang măt vang pơdrơ̆ng nơ̆r drơ̆ng nơ̆r.

Iung pơma lơ̆m pơm lê̆h tŏk bơ̆ jang, Kơdră chĕp pơgơ̆r tĕh đak Nguyễn Xuân Phúc pơkăp gô hơdrin đĭ jơhngơ̆m iung jang vă jang kiơ̆ rim tơdrong jang mă Khôi luơ̆t tơm Tĕh đak, khôi luơ̆t hlôi tơchơ̆t păng jang keh đang ‘lơ̆ng tơdrong jang mă Đảng, tĕh đak păng Kon pơlei pơjao ăn. Pơma hơdăh, dôm tơdrong jang iŏk đei jơnei đơ̆ng rim Kơdră chĕp pơgơ̆r so ‘măn ăn, ‘nŏh jing tơdrong gĭt kăl hlŏh vă Kơdră chĕp pơgơ̆r pơtăl tơgoăt iŏk păng hơdrin jang keh đang hơnăp jang kơ dĭh lơ̆m kơchư̆k jang Kơdră chĕp pơgơ̆r tĕh đak.

Tơblơ̆ nơ̆r: Amazưt