VOV4.Bahnar - Kơsơ̆ năr 29/11, ƀlep lơ̆m ‘măng năm tơmang Thuỵ Sỹ, Kơdră chĕp pơgơ̆r Tĕh đak Nguyễn Xuân Phúc sơng pơma dơnŭh hăm Kơdră chĕp pơgơ̆r Dơnŏ anĭh tơm jang pơgang Chile - ƀok Oscar Enrique Paris (jei tŏk bŏk năm tơ̆ Thụy Sỹ). Lơ̆m khei năr jĭ hơbŭh Covid-19 lơ̆m plei tĕh hrei au, tơdrong ƀar tĕh đak tơgoăt tơgoăl ‘lơ̆ng hơ iă lơ̆m tơdrong jang tang găn jĭ.

Kơdră chĕp pơgơ̆r Tĕh đak Nguyễn Xuân Phúc

Hmach chơt hơ iă ăn Chile tang găn kĕ jĭ hơbŭh, măt bơngai đei ƀet vaccine tôch kơ lơ, Kơdră chĕp pơgơ̆r tĕh đak athei Chile tơgŭm vaccine ăn Việt Nam. Tơbăt jơhngơ̆m lăp đon hăm Kơdră chĕp pơgơ̆r tĕh đak Nguyễn Xuân Phúc găh tơdrong kăl atŏk kơtang jang hơdoi lơ̆m tang găn jĭ hơbŭh, Kơdră chĕp pơgơ̆r Dơnŏ anĭh tơm vei lăng jang pơgang Chile tơbăt, Chile drơ̆ng nơ̆r jang hơdoi păng chă tơgŭm vaccine ăn Việt Nam. Atŭm hăm ‘nŏh pơtrŭt kơtang jang hơdoi ƀar tĕh đak lơ̆m tơdrong jang pơgang.

Tơblơ̆ nơ̆r: Amazưt

t