VOV4.Bahnar - Pơgê năr 25/10, tơ̆ Hà Nội, Kơdră chĕp pơgơ̆r Tĕh đak Nguyễn Xuân Phúc vang năm ‘măng pơgơ̆r tơbăt 75 sơnăm Năr joăt joe Học viện An ninh nhân dân, sơng iŏk Mê đai Chiến công hạng Nhất păng pơgơ̆r pơm lê̆h mơ̆t hŏk sơnăm hŏk 2021-2022. Tang măt ăn kơdră chĕp pơgơ̆r Đảng, Tĕh đak, Kơdră chĕp pơgơ̆r tĕh đak Nguyễn Xuân Phúc hlôi pôk ăn Mê đai Chiến công hạng Nhất ăn Học viện An ninh nhân dân păng ra sơgơ̆r pơm lêh mơ̆t hŏk sơnăm hŏk ‘nao kơ Học viện. Tơ̆ pơm lêh tơbăt, Kơdră chĕp pơgơ̆r Tĕh đak athei Học viện An ninh nhân dân kăl tơplĭh ‘nao jơhngơ̆m đon păng iung jang kơtang vă tơgăl hăm tơdrong jang, hơnơ̆ng jang keh kong ‘lơ̆ng tơdrong pơtho pơjing, tơgop vei lăng sơđơ̆ng tĕh đak, sơđơ̆ng tơpôl; Hơnơ̆ng tơplĭh ‘nao tôm tong găh pơtho pơhrăm, pơjing tơplĭh hơdăh găh ‘lơ̆ng, jơnei vă pơtrŭh pơjing đei dơ̆ng kang ƀô̆ hơgei, tơgăl hăm tơ iung pơjing khŭl Kŏng ang kon pơlei kĕch mang gơ̆h hơgei, pran kơtang, tơgŭm jơnei tơdrong jang iung tơ jră vei lăng tĕh đak găh sơđơ̆ng tĕh đak lơ̆m chăl ‘nao.

Tơblơ̆ nơ̆r: Amazưt