VOV4.Bahnar - Tơ̆ Hơnĭh tơm Moscow, Kơdră chĕp pơgŏr Tĕh đak Nguyễn Xuân Phúc hăm akăn ƀok năm ngôi păng tơ ƀơ̆p pơma dơnŭh hăm rim kang ƀô̆, bơngai bŏ jang Dơnŏ anĭh tang măt tĕh đak, rim hơnĭh bơ̆ jang kơ Việt Nam oei tơ̆ Liên bang Nga. Iung pơma tơ̆ jơ tơ ƀơ̆p mŭh măt, Kơdră chĕp pơgơ̆r Tĕh đak Nguyễn Xuân Phúc hôn bơnê tơdrong bơ̆ jang hơmet ăn ‘măng năm tơmang au đơ̆ng Dơnŏ anĭh tơm jang Tơbôl, rim hơnĭh tơm, hơnĭh bơ̆ jang ƀơm trŭh păng mă kăl ‘nŏh rim kang ƀô̆ bơ̆ jang lơ̆m Dơnŏ anĭh tang măt tĕh đak Việt Nam tơ̆ Liên bang Nga. Kơdră chĕp pơgơ̆r tĕh đak pơkă athei khŭl kang ƀô̆ Dơnŏ anĭh tang măt Việt Nam tơ̆ Liên bang Nga jang kiơ̆ ‘lơ̆ng Nơ̆r pơma pơtôch kơsô̆ 12 đơ̆ng Trung ương ‘nao au găh bơ̆ jang vei lăng bơngai Việt Nam oei tơ̆ tĕh đak đe lơ̆m chăl hle; jang kiơ̆ ‘lơ̆ng tơdrong jang vei lăng năng tông kon pơlei, tơgŭm djru tơdrong erĭh sa ăn kon pơlei Việt Nam oei tơ̆ tĕh đak đe vă roi năr roi đei lơ hlŏh dơ̆ng rim tơdrong jang ‘lơ̆ng hơ iă đơ̆ng kon pơlei lăng ba trŭh tơ̆ pơlei pơla, tĕh đak.

Tơblơ̆ nơ̆r: Amazưt