VOV4.Bahnar - Pơgê năr 22/11 tơ̆ Hà Nội, Kơdră chĕp pơgơ̆r Tĕh đak Nguyễn Xuân Phúc năm ngôi păng bơ̆ jang hăm Trung tâm Nhiệt đới Việt-Nga. Iung pơma tơ̆ jơ bơ̆ jang, Kơdră chĕp pơgơ̆r Tĕh đak Nguyễn Xuân Phúc hơlen, tơgoăt tơgoăl Jang hơdoi tôm tong ƀar păh Việt Nam păng Liên bang Nga hơnơ̆ng đei hơmet kơtang păng đei hơyak atŏk tơ iung ‘lơ̆ng hơ iă hlŏh, mă kăl lơ̆m jang hơdoi mơdro sa, vei sơđơ̆ng tĕh đak, khoa hŏk păng kmăi kmŏk. Pơma tơlĕch dôm tơdrong kăl vă hơdrin trŭh sơnăm 2030 tĕh đak bơ̆n jing tĕh đak tŏk bŏk atŏk tơ iung, đei kmăi kmŏk hơgei, Kơdră chĕp pơgơ̆r Tĕh đak athei Hơnĭh au đei tơdrong jang vang tơgop lơ̆m tơdrong au, tơ iung pơjing Hơnĭh au jing hơnĭh khoa hŏk-kmăi kmŏk gơ̆h hơgei, mĭnh ƀar tơdrong jang đei jang hơdoi hơtŏ lơ̆m tơring păng lơ̆m apŭng plĕnh tĕh gơ̆h vang iung jang păng tơlĕch jang rim tơdrong jang khoa hŏk kăl kơ Tĕh đak păng Dơnŏ anĭh tơm Ƀô̆ đô̆i vei lăng sơlam tĕh đak, hơnơ̆ng jing hơnĭh gơnang kơtang lơ̆m tơgoăt tơgoăl jang hơdoi ƀar păh Việt Nam păng Liên bang Nga.

Tơblơ̆ nơ̆r: Amazưt