VOV4.Bahnar – Kơsơ\ bre\i, năr 2/12, tơ\ pơle\i tơm Cần Thơ, Kơdră che\p pơgơ\r te\h đak hlôi bơ\ jang hăm Dơno\ an^h che\p pơgơ\r Tây Nam Bọ găh tơdrong ato\k tơ iung mu\k drăm – tơpôl păng sơđơ\ng sơlam te\h đak tơring Tơmăn đak kroong Cưủi Long đơ\ng blu\ng sơnăm tru\h dang e\i.

Lơ\m jơ bơ\ jang, [ok kdră teh đak bơ\n Trương Tấn Sang ră hơdăh: tơring tơmăn đak krong Cửu Long jing anih kăp g^t găh mu\k drăm choh pơtăm, dôm tơdrong đei jơnei lơ\m 30 xơnăm tơplih ‘nao hlôi tơbang tơdrong mă noh, dang ei mu\k drăm oei tih tên, Jơnu\m pơgơ\r jang atu\m hăm dôm anih jang tơm kăl ako\m jơhngơ\m vă io\k jang tơdrong pran kơ tơring, mă hăt noh găh choh jang xa păng jang ka hơdang. Lơ\m noh, athei hơmet pơ ‘lơ\ng ‘long pơtăm kon tơrong, tơplih păng pơih xă dôm um ru\p jang đei jơnei lơ\m khei năr âu ki, atu\m hăm noh io\k yua khoa ho\k trong jang ‘nao lơ\m pơm jang vă hơto\k io\k yua, ke\ tơgar lơ\m te\ch tơle\ch tơmam drăm, noh duh jing hơto\k kjă kăp g^t hơto\k tơdrong erih ăn kon pơlei păng mu\k drăm teh đak. {ok kdră teh đak ră hơdăh lơ\m khei năr mu\k drăm oei kơđeh, yuơ noh athei jo# hơlen pơm thoi yơ vă hơvơn lơ tơdrong axong jang đơ\ng teh đak đe lơ\m tơring tơguăt hăm pơtru\t kơtang tơdrong tơplih jang hành ch^nh, vei xđơ\ng tơdrong tơpôl xơlam teh... Ke\ đei thoi noh pơtơm tơgop kăp g^t lơ\m tơdrong ato\k mu\k drăm kơ tơring dơnơm găh pơmơ\t pơbăh teh đak bơ\n.

Lan chih păng rapor