VOV4.Bahnar - Khŭl tang măt Kơdră kơpal Việt Nam kơ yuơ Kơdră chĕp pơgơ̆r Tĕh đak Nguyễn Xuân Phúc chĕp kơ̆l hlôi vang Hop akŏm pơma dơnŭh Kơdră kơpal Jăl hop akŏm mă 76 Jơnŭm vei lăng Liên Hợp Quốc. Pơgê năr 21/9, kiơ̆ jơ New York, tơ̆ Hơnĭh bơ̆ jang Liên Hợp Quốc lơ̆m pơlei tơm New York, Hoa Kỳ, ‘Măng pơma dơnŭh Kơdră kơpal Jăl hop akŏm mă 76 Jơnŭm vei lăng Liên Hợp Quốc hlôi pơgơ̆r blŭng a hăm hơnăn “Atŭm lui kơ jăp păng Kơdĭh hơdrin-Lăng trŭh hơmet pơ ‘lơ̆ng đơ̆ng rŏng Covid-19, hơmet pơ ‘lơ̆ng kơ jăp, vei lăng plei tĕh, pơtrŭt kơtang pơm tơm kơdĭh kon bơngai păng hơmet pơ ‘lơ̆ng khŭl Liên Hợp Quốc”. Iung pơma tơ̆ pơgơ̆r blŭng a, ƀok Abdulla Shahid, Kơdră chĕp pơgơ̆r Jơnŭm vei lăng Liên Hợp Quốc Jăl 76 pơkăp gô pơtrŭt kơtang jang hơdoi apŭng plĕh tĕh vă iung tơ jră tang găn jĭ hơbŭh Covid-19, hơmet pơ ‘lơ̆ng păntg atŏk tơ iung đơ̆ng rŏng jĭ hơbŭh kiơ̆ trong kơ jăp, ‘moi kiơ̆ Tơdrong pơgơ̆r iung jang trŭh sơnăm 2030 kơ yuơ tơdrong atŏk tơ iung kơ jăp. ‘Măng pơma dơnŭh atŭm Khul kơdră kơpal gô hơnơ̆ng pơgơ̆r trŭh năr 27/9, păng kiơ̆ pơ prŏ hơdrol, Kơdră chĕp pơgơ̆r Tĕh đak Nguyễn Xuân Phúc gô đei iung pơma gĭt kăl lơm kơsơ̆ năr 29/9 kiơ̆ jơ New York.

Tơblơ̆ nơ̆r: Amazưt