VOV4.Bahnar – Kơdră Kuôk hô̆i Vương Đình Huệ ăh năr 28/4 hlôi bơ̆ jang hăm Anih juăt jang găh Khoa hŏk, Kŏng ngê̆ păng Cham char. Kơdră Kuôk hô̆i akhan, kiơ̆ tơchơ̆t đơ̆ng Trung ương, Đảng đoan Kuôk hô̆i gô athei pơjing minh tơdrong jang kiơ̆ Tơchơ̆t Hop akŏm mă 13 kơ Đảng, Anih tơm Chĭnh trĭ gô hơlen tơdrong mă âu lơ̆m jăl 4 xơnăm 2021.

          Oei tơ̆ 'măng hop akŏm mă 11, Kuôk hô̆i jăl 14 hlôi hơlen tơchơ̆t, lơ̆m noh pơjao ăn Kuôk hô̆i 8 grŭp tơdrong vă pơtoi hơtŏk hloh dơ̆ng tơdrong jang kơ Kuôk hô̆i. 'Nâu jing tơdrong pơm jang mă 10 kơ khul kơpal Kuôk hô̆i hăm dôm anih jang kơ Kuôk hô̆i. Tơdrong đei jơnei mă Kuôk hô̆i iŏk đei lơ̆m  75 xơnăm kơ âu păng mă hăt noh lơ̆m jăl jang 14 noh tih tên tơpă, mă lei kiơ̆ đơ̆ng dôm tơdrong pơm jang duh ăn ƀôh, duh oei athei pơtoi tơplih 'nao păng hơtŏk pơ 'lơ̆ng tơdrong pơm jang kơ Kuôk hô̆i lơ̆m khei năr truh. Kơdră Kuôk hô̆i Vương Đình Huệ pơkăl, Anih Khoa hŏk, Kŏng ngê̆ păng Cham char kơdih Tơlĕch jang tơplih 'nao hơtŏk pơ 'lơ̆ng tơdrong jang kơ Anih jang ăn Kuôk hô̆i jăl 15, kiơ̆ tơdrong hlôi đei găh dôm tơdrong chih akŏm luơ̆t, tơrĕk hơlen păng pơkăp dôm tơdrong tơchơ̆t kăp gĭt kơ teh đak.

Lan chih păng pơre nơ̆r