VOV4.Bahnar – Tơ̆ Nhà hát Lớn, plei tơm Hà Nội, hlôi pơm Lêh pôk hơpăh păng pơjao hơnăn “Bơngai jang mir Việt Nam gơh rơgei 2021”. Kơdră Kuôk hô̆i Vương Đình Huệ năm pơm lêh pôk hơpăh.

Tơ̆ jơ lêh, ƀok Kơdră Kuôk hô̆i Vương Đình Huệ păng dôm Ƀok Kơdră Đảng, Teh đak hlôi pôk Mê đai Ƀlŏk tơbăt, Ƀằng pôk bơnê ăn 63 'nu jang mir rơgei, tang măt ăn kơ trĭu bơngai jang mir gơh rơgei lơ̆m jâ̆p teh đak. Pơma ăh jơ lêh, Kơdră Anih jang Trung ương Măt trâ̆n tôh kuôk Việt Nam Đỗ Văn Chiến xơkơ̆t, Đảng păng Teh đak xơkơ̆t, choh jang xa, bơngai jang mir, tơring pơxĕl đei anih dơ̆ng kăp gĭt lơ̆m tơdrong pơkăp jang 'nao, tơ iung pơjing păng vei lăng teh đak. Jơnŭm pơgơ̆r hlôi pơkăp pôk hơnăn Bơngai jang mir rơgei Việt Nam gơh rơgei xơnăm 2021 ăn 63 'nu bơngai jang mir kiơ̆ 5 tơdrong jang: rong kon tơrong; choh pơtăm; jang var pơgar, jang lơ tơdrong, jang ka hơdang; pơm tơlĕch tơmam drăm, tĕch tơlĕch tơmam choh pơtăm; pơm tơlĕch kơmăi kơmŏk 'nao, đei jơnei lơ̆m jang pơjing tơring pơxĕl 'nao păng vei xơđơ̆ng teh đak.

Lan chih păng pơre nơ̆r