VOV4.Bahnar  – Pơgê năr (22/11), tơ̆ Hnam Kuôk hô̆i, pơtơm Tơdrong hop akŏm mă 5 kơ Anih juăt jang Kuôk hô̆i. Pơgơ̆r lơ̆m 2 năr, tơ̆ hop akŏm âu, Anih juăt jang Kuôk hô̆i tơgop nơ̆r lơ̆m lơ tơdrong kăp gĭt, lơ̆m noh đei tơdrong hơmet ăn hop akŏm “ưh đei pơkăp” pơgơ̆r ăh khei 12 truh. Pơma pơtơm hop akŏm, Kơdră Kuôk hô̆i Vương Đình Huệ ăn tơbăt, tơrĕk tơ̆ 'măng hop akŏm âu, Anih juăt jang Kuôk hô̆i tơgop nơ̆r păng pơkăl đơ̆ng Khul kơpal teh đak găh hơmet 02 tơdrong chih akŏm Luơ̆t ăn Tơdrong chih akŏm luơ̆t tơchơ̆t ăh xơnăm 2022 noh: Luơ̆t tơplih hơmet minh ƀar tơdrong lơ̆m Luơ̆t Tân sô̆ vô tuyê̆n điê̆n; Luơ̆t Khăm hơmet jĭ (hơmet ming). Kơdră Kuôk hô̆i pơkăl pơm hơdăh tơdrong kăl hơmet 2 chih akŏm Luơ̆t, mă hăt noh tơdrong pơkăp jang tih đei hơlen pơkăp lơ̆m 2 luơ̆t chih akŏm, hơmet tơdrong “tơmơ̆t vă pơkăp anih”.

Lan chih păng pơre nơ̆r