VOV4.Bahnar – Pơgê 'năr brei (12/7), tơ̆ Hnam Kuôk hô̆i, Kơdră Kuôk hô̆i, Kơdră Jơnŭm pơgơ̆r pôk rơih kơ teh đak ƀok Vương Đình Huệ hlôi pơgơ̆r 'măng hop akŏm mă 8, 'nâu jing 'măng hop akŏm mă hơtuch kơ Jơnŭm pơgơ̆r pôk rơih kơ teh đak.

          Kơdră Kuôk hô̆i Vương Đình Huệ ăn tơbăt, đơ̆ng rŏng kơ xơkơ̆t xơnong jang tang măt, tôm jăl jang Hô̆i đŏng kon pơlei truh dang ei hlôi keh đang 'măng hop akŏm mă mônh păng oei keh đang tôm bơngai jang ăn Hô̆i đŏng kon pơlei, Anih vei lăng kon pơlei dêh char, apŭng truh tơ̆ xăh. Kơdră Kuôk hô̆i hlôi kĭ pơkăp hơnăn đei pôk jang Kơdră, Phŏ Kơdră Hô̆i đŏng kon pơlei dêh char. Tơ̆ 'măng hop akŏm mă mônh, Kuôk hô̆i jăl 15 keh đang bơngai jang kơpal kơ Teh đak păng pơkăp bơngai jang kơpal hăm kơsô̆ pơkăp 50 'nu jang kơpal hloh. Thoi noh, đơ̆ng rŏng kơ 'Măng hop akŏm mă mônh Kuôk hô̆i jăl 15, tôm bơngai jang kơpal đei pơkăp keh đang đơ̆ng rŏng kơ Hop akŏm.

Lan chih păng pơre nơ̆r