VOV4.Bahnar – Kơsơ̆ măng năr 25/10, tơ̆ Hnam Kuôk hô̆i, Kơdră Kuôk hô̆i Vương Đình Huệ hlôi pơgơ̆r tơdrong bơ̆ jang hăm dôm anih jang đei tơrĕk găh tơdrong hơmet ăn 'măng hop akŏm mă mônh, Kuôk hô̆i jăl 15 lơ̆m giĕng hop akŏm âu ki.  Pơma ăh jơ bơ̆ jang, Kơdră Kuôk hô̆i Vương Đình Huệ ăn tơbăt, dôm năr kơ âu Kuôk hô̆i hlôi keh đang tơdrong tơlĕch, pơkăp tơdrong jang trŏ ƀlep, khoa hŏk, iŏk yua khei năr pơma đam tơ̆ khul păng hnam hơkŏm, tôm chih măt đơ̆ng dôm bơngai tang măt adoi đei pơtruh nơ̆r.

Kơdră Kuôk hô̆i Vương Đình Huệ ră hơdăh, truh âu kơnh, Kuôk hô̆i gô tơgop nơ̆r lơ̆m 5 tơdrong chih akŏm luơ̆t păng 2 tơdrong jang tih, noh jing axong jang mŭk drăm păng Pơkăp yua teh kơ teh đak đơ̆ng xơnăm 2021 - 2030, xơkơ̆t truh xơnăm 2050 păng pơkăp yua teh lơ̆m 5 xơnăm (2021 - 2025), âu jing dôm tơdrong tơrĕk truh trong erih xa kơ kon pơlei. Kơyuơ noh, dôm anih jang hla bar tơroi kăl tơroi tôm, tơdrong tơm; rim anih jang kơ Kuôk hô̆i kăl hơlen, pơma đam hơdăh, iŏk nơ̆r tơgop đơ̆ng rim bơngai tang măt ăn Kuôk hô̆i.

Lan chih păng pơre nơ̆r