VOV4.Bahnar  – Pơgê năr (14/6), tơ̆ Hnam Kuôk hô̆i, pơtơm hop akŏm 'măng mă 57 kơ Anih juăt jang ăn Kuôk hô̆i. Pơma ăh jơ pơtơm, Kơdră Kuôk hô̆i Vương Đình Huệ ră hơdăh tơdrong kăp gĭt đei Anih juăt jang ăn Kuôk hô̆i tơ̆ 'măng hop akŏm mă  57 noh xơkơ̆t pơm kiơ̆ pơkăp hơtŏk mŭk drăm – tơpôl păng jên mong kơ teh đak lơ̆m 6 khei blŭng xơnăm păng dôm trong jang pơm kiơ̆ pơkăp hơtŏk mŭk drăm – tơpôl, jên mong kơ teh đak lơ̆m 6 khei jê̆ đĭ xơnăm 2021.

          Tơgop ăn Tơbang xơkơ̆t mă blŭng kơ tơdrong pôk rơih bơngai jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang đơ̆ng xơnăm 2021-2026, Kơdră Kuôk hô̆i hmach bơnê kơ dôm tơdrong tơgop đơ̆ng khul jang tơ̆ anih hli nhen Y tê̆, khul linh, khul kŏng ang, dôm jăl pơgơ̆r tơring lơ̆m tơdrong pơgơ̆r pôk rơih; tơdrong iŏk yua kŏng ngê̆ thŏng tin lơ̆m tơdrong pôk rơih; duh nhen tơdrong tơroi tơbăt găh pôk rơih gơh hơtŏ hơnơ̆ng, hơdăh, pơjing tơdrong hăt hot, tơgop ăn tơdrong đei jơnei lơ̆m tơdrong pôk rơih.

Lan chih păng pơre nơ̆r