VOV4.Bahnar  – Kơsơ̆ năr 11/8, tơ̆ Hnam Kuôk hô̆i, Anih juăt jang Kuôk hô̆i hlôi pơgơ̆r tơjrâ̆m bơngai jang tang măt ăn Kuôk hô̆i juăt jang tơ̆ Trung ương jăl 14 ưh đei lĕch măt tơgar păng kang ƀô̆ kơpal kơ Anih juăt jang Kuôk hô̆i pơdơh kơ jang kiơ̆ pơkăp. Kơdră Kuôk hô̆i Vương Đình Huệ pơgơ̆r tơdrong tơjrâ̆m. Pơma pơgơ̆r ăh tơjrâ̆m, kơdră Kuôk hô̆i Vương Đình Huệ xơkơ̆t, Kuôk hô̆i hơnơ̆ng tơgĭt, tơmơ̆ng, pơkăl hŏk hơlen hlôh vao, kơchăng chih iŏk nơ̆r tơgop đơ̆ng rim bơngai tang măt ăn Kuôk hô̆i juăt jang tơ̆ Trung ương jăl 14 ưh đei lĕch măt tơgar păng kang ƀô̆ jang kơpal kơ Anih juăt jang Kuôk hô̆i pơdơh kơ jang kiơ̆ pơkăp păng duh gô kơdih chih pơtruh găh dôm tơdrong oei lơ̆m xơnong jang kơ Kuôk hô̆i, mă hăt noh dôm tơdrong oei lơ̆m tơdrong jang vă pơm kiơ̆ Tơchơ̆t Đảng jâ̆p teh đak 'măng mă 13 păng dôm tơdrong chih akŏm luơ̆t, dôm tơchơ̆t hơdăh tơrĕk truh xơnong jang kơ Kuôk hô̆i.

Lan chih păng pơre nơ̆r