VOV4.Bahnar – Pơgê năr 30/9, tơ̆ Hnam Kuôk hô̆i, Kơdră Kuôk hô̆i Vương Đình Huệ pơgơ̆r tơdrong bơ̆ jang trư̆k tuyê̆n hăm Khul kơpal kơ Anih jang mŭk drăm Hoa Kỳ- ASEAN.

Tơdrong bơ̆ jang đei pơgơ̆r kiơ̆ pơkăl đơ̆ng găh Anih jang mŭk drăm Hoa Kỳ- ASEAN, đei tơroh trư̆k tuyê̆n hăm lơ anih hop akŏm noh: Hnam Kuôk hô̆i Việt Nam, Anih tơm Washington, D.C (Hoa Kỳ), Singapore, Phillipine păng tơ̆ minh ƀar teh đak nai lơ̆m kơpal teh, vă tơƀôh tơdrong pơkăp đơ̆ng tơring jang mŭk drăm tơ 'ngla pơm tơm Hoa Kỳ hăm xơnong jang jing anih lui ngeh lơ̆m tơdrong hơtŏk tơchơ̆t jang adrol, mă kăl noh lơ̆m tơlĕch trong jang 'nao kơjăp xơđơ̆ng kơ Việt Nam. Tơdrong bơ̆ jang vă pơtoi hơtŏk tơbôl mŭk drăm, tĕch pơdro, axong jang đơ̆ng 2 păh kiơ̆ dôm tơdrong pơma đam păng chih iŏk nơ̆r tơgop hơdăh đơ̆ng dôm anih jang mŭk drăm Hoa Kỳ hăm dôm tơdrong jang tĕch pơdro kiơ̆ xơnong jang đơ̆ng Kuôk hô̆i, tơdrong tơgŏp đơ̆ng dôm Anih jang mŭk drăm Hoa Kỳ hăm dôm tơdrong chih akŏm pơkăp jang adrol đơ̆ng Kuôk hô̆i Việt Nam, duh nhen dôm tơdrong pơkăl đơ̆ng găh Việt Nam hăm dôm tơdrong jang tĕch pơdro, axong jang păng pơih xă đơ̆ng anih jang mŭk drăm Hoa Kỳ tơ̆ Việt Nam.

Lan chih păng pơre nơ̆r