VOV4.Bahnar– Xơng iŏk nơ̆r hơvơn đơ̆ng Kơdră AIPA Pehin Dato Abdul Rahman Taib, Kơdră Jơnŭm chih akŏm khôi luơ̆t teh đak Brunei Darussalam, Khul kơpal tang măt ăn Kuôk hô̆i Việt Nam kơyuơ Kơdră Kuôk hô̆i Vương Đình Huệ chĕp kơ̆l gô năm hop akŏm kơpal AIPA 'măng 42 (AIPA 42) kiơ̆ pơkăp trư̆k tuyê̆n, đei pơgơ̆r đơ̆ng năr 23 truh năr 25/8 hăm hơnăn  “Hơtŏk jang hadoi ngĭ viê̆n găh tơdrong kih thuơ̆t sô̆ hơyak tơrĕk truh Tơpôl ASEAN xơnăm 2025”. 'Nâu jing tơdrong jang tơbôl lơ teh đak mă blŭng đơ̆ng Kơdră Kuôk hô̆i păng Khul kơpal tang măt ăn Kuôk hô̆i Việt Nam jăl 15. Kơchĕng, Kơdră Kuôk hô̆i Quốc hội Vương Đình Huệ gô đei ƀai đŏk kăp gĭt tơ̆ 'măng Hop akŏm kơpal AIPA 42, pơtruh tơdrong pơtơ̆ng găh minh teh đak Việt Nam hơnơ̆ng tơplih 'nao, Kuôk hô̆i Việt Nam jang tơnăp, hăt hot păng kơchăng jang hadoi tơroh ngĭ viê̆n lơ teh đak lơ̆m tơring.

Lan chih păng pơre nơ̆r