VOV4.Bahnar – Kơsơ̆ năr 25/8, Hop akŏm Jơnŭm jang ngĭ viê̆n dôm teh đak Đông Nam Á 'măng mă 42 (AIPA-42) hlôi pơtôch, keh đang 3 năr bơ̆ jang trư̆k tuyê̆n hăt hot, tơnăp. Khul kơpal tang măt ăn Kuôk hô̆i Việt Nam yuơ Kơdră Kuôk hô̆i Vương Đình Huệ chĕp kơ̆l năm hop akŏm tơ̆ anih tơroh um Hà Nội. Tơ̆ lêh pơtôch, Kơdră AIPA, Kơdră Jơnŭm Chih akŏm luơ̆t Brunei Abdul Rahman Tayip ră hơdăh, Hop akŏm jơnŭm jang hlôi tơbang hơdăh tơdrong kăp gĭt kơ tơdrong jang hadoi ngĭ viê̆n, mă kăl noh dôm pơkăp đơ̆ng AIPA lơ̆m tơdrong pơjing Jơnŭm jang ASEAN vă pơjing tơdrong rơngei xơnêp xơnoa, jơnap ăn jâ̆p tơring. Đơ̆ng rŏng kơ pơtôch lêh akŏm, hlôi pơm lêh pơjao xơnong pơm Kơdră AIPA xơnăm 2022. Campuchia jing teh đak iŏk jang xơnong pơm Kơdră AIPA xơnăm 2022. Kơdră AIPA - 43 tơbang, Kuôk hô̆i teh đak Campuchia gô pơgơ̆r tơdrong Hop akŏm AIPA-43 đơ̆ng năr 12/9/2022. Mă lei, lơ̆m khei năr pơrang jĭ Covid-19 tŏk bŏk hơbuh hli hlơt noh tơdrong pơgơ̆r hop akŏm duh tam mă đei xơkơ̆t thoi yơ.

Lan chih păng pơre nơ̆r