VOV4.Bahnar -  Kơsơ̆ măng năr 12/7, tơ̆ Hnam Kuôk hô̆i, Kơdră Kuôk hô̆i Vương Đình Huệ hlôi pơma đam trư̆k tuyê̆n hăm Kơdră Kuôk hô̆i Hungary László Kövér. Kơdră Kuôk hô̆i Vương Đình Huệ bơnê kơ dôm tơdrong hơtŏk hơ iă lơ̆m tơbôl kơ 2 teh đak lơ̆m khei năr âu ki, xơkơ̆t Việt Nam hơnơ̆ng lăng tơgĭt păng 'meh vă hơtŏk tơbôl jang hadoi lơ tơdrong hăm Hungary – jing teh đak jang tôm tơdrong mă blŭng kơ Việt Nam tơ̆ tơring Tŏk bŏk – Hlĕch châu Âu. Kơdră Kuôk hô̆i Vương Đình Huệ xơkơ̆t, Việt Nam kơchăng pơm gơng tơroh ăn Hungary pơih xă tơdrong tơbôl jang hadoi hăm dôm teh đak lơ̆m tơring ASEAN păng hơlơ̆k kơ noh, Việt Nam 'meh vă Hungary pơtoi tơgŭm, hơtŏk pran hloh tơbôl đơ̆ng Việt Nam hăm dôm teh đak vang jang lơ̆m Jơnŭm atŭm châu Âu duh nhen dôm teh đak vang jang lơ̆m tơring. Lơ̆m tơdrong pơma đam, ƀar ƀok kơdră Kuôk hô̆i adoi xơkơ̆t gô đei dôm trong jang hadoi kiơ̆ tơdrong hop akŏm kơ Anih jang hadoi kơ Jơnŭm pơgơ̆r teh đak đei pơgơ̆r ăh khei 10 âu kơnh, mă hăt noh hơtŏk pran tơdrong jang hadoi găh kŏng ngê̆ thŏng tin; pơtoi tơgŭm, tơroi tơdrong hlôh vao kăp gĭt lơ̆m tơdrong chih akŏm khôi luơ̆t, hơlen kơjăp tơdrong jang đơ̆ng Jơnŭm pơgơ̆r teh đak...

Lan chih păng pơre nơ̆r