VOV4.Bahnar  – Kơsơ̆ năr 6/9, Kơdră Kuôk hô̆i Vương Đình Huệ hlôi tơjrâ̆m pơma dơnuh hăm Kơdră Jơnŭm Ngĭ viê̆n apŭng plenh teh (IPU) Duarta Pacheco. Kơdră Kuôk hô̆i xơkơ̆t, tơdrong vang jang dôm tơdrong jang kơ IPU jing xơnong jang kăp gĭt lơ̆m tơbôl jang ngĭ viê̆n lơ teh đak đơ̆ng Việt Nam vă hơtŏk păng vei lăng tơdrong pơyua, tơbang đon pơkăp teh đak găh dôm tơdrong kăl lơ̆m kơpal teh. Kơdră Kuôk hô̆i ră hơdăh 3 tơdrong pơkăl vă IPU jing minh jơnŭm jang đei jơnei hloh dơ̆ng. Tơƀôh tơdrong drơ̆ng nơ̆r hăm dôm tơdrong pơkăl, Kơdră IPU Duarta Pacheco xơkơ̆t, kơchăng truh tơ̆ Hà Nội pơma đam kơtă, hơdăh vă tơlĕch jang kiơ̆ pơkăl đơ̆ng Việt Nam, lơ̆m noh đei tơdrong pơgơ̆r dôm tơdrong hop akŏm juăt jang, hop akŏm lơ̆m tơring găh hơmet hơtŏk mŭk drăm, hop akŏm kơpal teh găh pơkăl dôm ngĭ sih mơlôh... kơ dôm jăl hopa kŏm jơnŭm jang IPU.

Lan chih păng pơre nơ̆r