VOV4.Bahnar – Lơ\m 'măng năm tơmang teh đak Ấn Độ, Kơdră Kuôk ho#i Vương Đình Huệ hlôi xơng pơma dơnuh hăm khul kơdră kơ dôm Anih jang pran kơ teh đak Ấn Độ. Pơma dơnuh hăm yă Roshni Nadar Malhotram, Kơdră Anih vei jên kơ Ko\ng ti ko\ng nge# HCL jing bơngai drăkăn pơdro\ng hloh Ấn Độ oei lơ\m hơnăn 100 'nu drăkăn kơdrưh hloh kiơ\ pơkăp đơ\ng Forbes xơnăm 2019. Tơ\ jơ pơma dơnuh hăm khul kơdră Ko\ng ti ko\ng nge# HCL,  Kơdră Kuôk ho#i Vương Đình Huệ hmach bơnê kơ HCL hlôi jing minh lơ\m 3 ko\ng ti pran hloh kơ teh đak Ấn Độ; atu\m hăm noh bơnê păng lăp đon hăm dôm tơdrong jang te\ch pơdro đơ\ng Anih jang tơ\ Việt Nam, mă kăl noh găh tơdrong jang ko\ng nge# păng pơtho bơngai jang gơh rơgei. Pơma duh hăm bơngai pơdro\ng Prakash Hinduja, Anih jang Hinduja, 1 lơ\m dôm Ko\ng ti kơ unh hnam pran hloh lơ\m kơpal teh, Kơdră Kuôk ho#i Vương Đình Huệ ăn tơbăt, axong jang đơ\ng Ấn Độ tơ\ Việt Nam duh oei to\ xe\t pơtêng hăm mu\k drăm ke\ đei, hơgăt teh kơ [ar teh đak; tơbang tơdrong hơpơi kơ 'măng năm tơmang Ấn Độ mă âu hăm tơdrong vang yak đơ\ng Khul kơpal teh đak, anih jang tơm gô pơm trong hiôk axong jang 'nao đơ\ng Ấn Độ truh Việt Nam.

Lan chih păng pơre nơ\r