VOV4.Bahnar - Lơ\m dôm xơnăm kơ âu, gơnơm pơ ‘nam chă ho\k hơlen, jang kiơ\ khoa ho\k kih thuơ\t, ‘nho\ng Y B’rôn, bơngai M’nông, tơ\ pơlei Phai Kol Pru Đăng, xăh Đăk Nia, plei tơm Gia Nghĩa, dêh char Đăk Nông, hlôi adrin pơm jang klaih đơ\ng hin dơnuh pơngot rơve\t păng đei tơdrong erih tơno\ hloh. ‘Nho\ng oei hăt hot tơgu\m kon pơlei atu\m pơm jang vă hơto\k mu\k drăm, hơto\k tơdrong erih.

‘Nho\ng Y B’rôn, rơneh xơnăm 1979, bơngai M’nông, oei tơ\ pơlei Phai Kol Pru Đăng, xăh Đăk Nia, plei tơm Gia Nghĩa. Ưh kơ chiu hăm tơdrong pơngot rơve\t hin dơnuh, Y B’rôn kho\m năm ho\k lăm pơtho yuơ tơring pơih, chă hơlen ho\k trong jang đơ\ng dôm anih jang rơgei, jang ‘lơ\ng, jang kiơ\ khoa ho\k kih thuơ\t lơ\m vei lăng ‘long pơtăm kon tơrong kơ unh hnam. Dang ei hăm hloh 1 ha 5 sao ka phê pơtăm hrau hăm ‘long xa plei păng rong kon tơrong, rim xơnăm ưh kơ jo# jên huach jang, unh hnam xư oei đei yua hloh 100 triu hlj. Y B’rôn tơroi: “Inh chă ho\k hơlen, păng hlôh vao hơdăh đơ\ng kơdih po noh kơlih kiơ dôm tơring nhen Tây Bắc, tơring teh phui phang tơnang ko\ mă đe adoi oei gơh jang xa, tơ\ âu noh Tây Nguyên teh gôh bazan giơ\ng ‘lơ\ng mă hơnơ\ng oei hin dơnuh. Noh athei năm ho\k lăm pơtho tơ\ xăh, tơ\ dêh char, ho\k hơlen lơ\m mạng, đo\k hla bar tơroi vă chă hơlen băt đơ\ng kih thuơ\t truh trong pơtăm păng vei lăng, te\ch tơle\ch tơmam pơtăm đei. Mă [ar noh tơre\k truh jên hu đơ\ng anih mong jên, ba athei hlôh vao vă anih mong jên pơtoi axong to\k io\k bơ\ hla bar gơh tenh hloh, vă chă răt kơmăi kơmo\k păng tơmam drăm pơm jang tơnăp hloh”

Ư adro# pơm jang rơgei, unh hnam ‘nho\ng Y B’rôn hơnơ\ng yuk trong hơlâu lơ\m pơm kiơ\ tơnăp trong pơkăp jang đơ\ng Đảng, Khôi luơ\t teh đak. ‘Nho\ng đei kon pơlei pôk jang kơdră pơlei to\k 5 xơnăm kơ âu bơih. Hăm xơnong jang kơdră pơlei, ‘nho\ng hăt hot tơroi pơtho kon pơlei tơplih hơdre\ch ‘long pơtăm, kon tơrong. Atu\m hăm noh, xư hơnơ\ng chă tơroi tơdrong hlôh vao, tơgu\m unh hnam tơnap tap chă hơto\k mu\k drăm, dar deh hơto\k xơđơ\ng tơdrong erih. Y B’rôn ăn tơbăt: “Đơ\ng ro\ng kơ hơto\k mu\k drăm noh inh [ôh minh [ar unh hnam đei tơdrong erih oei tơnap tap, kon hơ ioh tam mă ako\m pơm jang. Inh noh kơdră pơlei, noh inh athei đei xơnong jang hăm đe ye\t. Dôm unh hnam mă pơm jang tam tơnăp, noh adrin pơm kiơ\ khoa ho\k kih thuơ\t mă tro\ [lep, kon hơ ioh athei ako\m pơm jang, ưh đei mơ\ng nơ\r khul kơne# pơchu\t, athei ako\m lơ\m tơdrong pơm jang, kon hơ ioh athei ho\k pơhrăm tơnăp, kiơ\ trong pơkăp jang đơ\ng Đảng vă hơto\k tơ iung”

Yă Quản Thị Ngọc, Pho\ Kơdră Anih vei lăng kon pơlei xăh Đăk Nia, plei tơm Gia Nghĩa, dêh char Đăk Nông ăn tơbăt, khei năr âu ki vă pơtru\t jang hơto\k mu\k drăm, xut le# pơngot tơjur hin dơnuh, jơnu\m pơgơ\r tơring hlôi hơto\k pran tơdrong hơvơn pơtho, pơm trong hiôk ăn kon pơlei, mă kăl noh kon pơlei kon kông gơh đei ho\k hơlen găh khoa ho\k kih thuơ\t, pơtho tơdrong jang. Dôm bơngai jang rơgei nhen kơdră pơlei  Y B’rôn gô jing dôm bơngai kơtă “pơdjoi unh khơ\ng” ăn kon pơlei po, dar deh pơm tơplih đon kơche\ng lơ\m jang mu\k drăm, hơto\k jang xut le# pơngot tơjur hin dơnuh: “Dôm bơngai jang rơgei lơ\m tơring kon pơlei kon kông roi năr roi đei lơ, minh [ar bơngai mơlôh nhen Y B’rôn. Minh [ar unh hnam kon pơlei kon kông adoi đei teh, đei mir na tih xă, pơ ‘nam pơm jang vă klaih đơ\ng hin dơnuh păng hơto\k mu\k drăm ăn unh hnam. Hăm trong jang thoi noh truh âu kơnh nhôn pơtoi pơgơ\r rim anih jang tơpôl vang jang, chă tơroi pơtho, chă hơlen băt păng pơih xă dôm um ru\p jang rơgei vă tơroi tơbang ăn kon pơlei băt hơdăh găh tơdrong pơm jang păng hơto\k mu\k drăm unh hnam ”

Xăh Đăk Nia đei 14 hơdrung bơngai atu\m erih jang xa, kơso# kon pơlei kon kông đei je# 40% măt bơngai. Gơnơm pơm kiơ\ hrơ\p minh ‘măng dôm trong pơkăp jang hăm bơngai kon kông, tơdrong erih kon pơlei roi năr roid dei hơto\k, đei lơ bơngai jang rơgei lơ\m tơdrong pơlong pơm jang rơgei. Tơdrong pơyua ăn rim ‘nu bơngai jang dang ei tơ\ xăh đei je# 40 triu hlj minh xơnăm. Dang ei lơ\m ja#p xăh Đăk Nia oei pă  48 unh hnam đe\ch oei je# hin dơnuh, đei 1,74% păng pă đei oei unh hnam hin dơnuh.

Lan chih păng rapor