VOV4.Bahnar  – Pơgê 'năr brei (21/4), dang ăh năr 10/3 âm lĭch, tơ̆ Anih gru grua kơ hnưr erih Đền Hùng, plei tơm Việt Trì, dêh char Phú Thọ, pơgơ̆r lêh plang hlôt nhang ƀlŏk tơbăt kơ dôm Ƀok Pơtao Hùng.

Ƀok kơdră teh đak Nguyễn Xuân Phúc truha kŏm păng plang hlôt nhang. Atŭm năm pơm lêh đei bơngai jang lơ̆m Anih tơm Chĭnh trĭ, juăt jang lơ̆m Ƀan Ƀĭ thư Võ Văn Thưởng; bơngai jang lơ̆m Anih tơm Chĭnh trĭ, Kơdră Anih Pơgơ̆r jang Trung ương Trương Thị Mai; dôm ƀok kơdră kơpal xo xơ̆\ kơ Đảng, teh đak; kơdră kơpal kơ minh ƀar anih jang, păng tơring. 'Năr xoi ƀlŏk kơ Ƀok dơnơm Hùng Vương jing 'năr xoi ƀlŏk tơm kơ teh đak, jing 'năr jâ̆p teh đak atŭm pôk bơnê kơ đak pơ uh plang đơ̆ng đe Ƀok Pơtao Hùng hlôi tơ iung pơjing teh đak. Đơ̆ng rŏng kơ pơm lêh tơ̆ Anih xoi ƀlŏk tơm, ƀok kơdră teh đak Nguyễn Xuân Phúc păng Khul kơpal hlôi 'măn kơvang pơkao tơ̆ Pơxat Ƀok Hùng Vương. Kơvang pơkao chih: Ling lang ƀlŏk bơnê kơ dôm Ƀok Pơtao Hùng hlôi tơ iung pơjing teh đak. Đơ̆ng rŏng kơ plang pơkao, Kơdră teh đak păng Khul kơpal hlôi plang pơkao tơ̆ Rŭp man ƀlŏk tơbăt kơ Ƀok Hô oei pơma dơnuh hăm khul linh Dơnơm Tiên Phong.

Lan chih păng pơre nơ̆r