VOV4.Bahnar  – Kơdră teh đak bơ̆n Nguyễn Xuân Phúc 'nao pơma điê̆n thoăi hăm Kơdră teh đak Nga Vladimir Putin. Ƀar ƀok kơdră hlôi pơma đam găh trong hơtŏk hloh dơ̆ng tơbôl Jang hadoi tôm tơdrong Việt Nam – Nga, jang hadoi tang găn păng tơjră pơrang jĭ COVID-19, duh nhen dôm tơdrong đei ƀôh lơ̆m tơring păng lơ̆m apŭng plenh teh mă ƀar teh đak atŭm tơrĕk truh.

Kơdră teh đak Nguyễn Xuân Phúc xơkơ̆t Việt Nam adrol anô̆ nhen minh lăng tơgĭt tơdrong tơbôl juăt jue păng Jang hadoi tôm tơdrong hăm teh đak Nga; 'meh vă hơtŏk jang hadoi đơ̆ng 2 teh đak lơ̆m tôm tơdrong jang, kơyuơ tơdrong pơyua atŭm kơ 2 hơdrung hơdrĕch. Găh jang hadoi Việt Nam – Liên bang Nga, Kơdră teh đak Nguyễn Xuân Phúc păng ƀok Kơdră  Putin chơt hơ iă hăm dôm tơdrong đei jơnei lơ̆m tơbôl 2 păh lơ̆m khei năr âu ki. Ƀar ƀok kơdră duh pơma đam găh dôm tơdrong đei ƀôh lơ̆m apŭng plenh teh păng lơ̆m tơring atŭm tơrĕk truh, xơkơ̆t pơtoi jang hadoi kơjăp păng đei jơnei tơ̆ dôm tơdrong pơma đam lơ̆m tơring, lơ̆m noh drơ̆ng nơ̆r xek tơlang dôm tơdrong tơgar tơ̆ Biển Đông hăm trong pơkăp rơngei hiôk hian.

Lan chih păng pơre nơ̆r