VOV4.Bahnar– Năr 23/6, tơ̆ Anih jang Khul Kơpal teh đak, ƀok Kơdră teh đak bơ̆n Nguyễn Xuân Phúc hlôi xơng Ƀô̆ trưởng jang Tơbôl Hàn Quốc Chung Eui Yong truh hmach ƀơ̆t 'măng năm tơmang Việt Nam đơ̆ng năr 21 - 23/6/2021.

          Tơ̆ jơ xơng, Kơdră teh đak Nguyễn Xuân Phúc xơkơ̆t tơdrong hơtŏk tơbôl jang hadoi kơ ƀar teh đak jing tơchơ̆t atŭm, đơ̆ng kơpal truh dôm anih jang, kon pơlei Việt Nam. Kơdră teh đak Nguyễn Xuân Phúc pơkăl Anih tơm jang Tơbôl păng rim anih jang kơ ƀar teh đak jang atŭm kơjăp, hơtŏk đei jơnei hloh dơ̆ng tơdrong tơbôl khul kơpal păng dôm jăl jang, atŭm iŏk jang kiơ̆ tơdrong rơgei vă atŭm yak hloh tơnap tap đơ̆ng pơrang jĭ; pơih xă hloh tơdrong axong jang đơ̆ng Hàn Quốc tơ̆ Việt Nam. Găh dôm tơdrong đei ƀôh lơ̆m tơring păng lơ̆m kơpal teh, Ƀô̆ trưởng Chung Eui Yong xơkơ̆t Anih tơm jang Tơbôl Hàn Quốc kơchăng pơtoi jang hadoi hăm Việt Nam tơ̆ dôm tơdrong jang lơ teh đak păng găh dôm tơdrong mă ƀar păh atŭm tơrĕk truh; 'meh vă Việt Nam pơtoi tơgop hơtŏk pơma đam, jang hadoi lơ̆m achon teh Triều Tiên.

Lan chih păng pơre nơ̆r