VOV4.Bahnar  – Năr 16/4, tơ̆ Anih jang Khul kơpal, ƀok Kơdră teh đak bơ̆n Nguyễn Xuân Phúc hlôi xơng Kơdră jang tang măt ăn Hoa Kỳ tơ̆ Việt Nam Daniel Kritenbrink truh tơbang kơthơ thơ thâu đơ̆ng Ƀok Kơdră teh đak Joe Biden ăn kơ Ƀok Kơdră teh đak  Nguyễn Xuân Phúc ƀơ̆t ‘măng Ƀok Kơdră teh đak đei Kuôk hô̆i lui ngeh pôk jang Kơdră teh đak Việt Nam păng truh hmach pơtôch jăl jang.

Tơ̆ jơ xơng, Ƀok Kơdră teh đak Nguyễn Xuân Phúc bơnê kơ dôm tơdrong tơgop kăp gĭt đơ̆ng Kơdră tang măt lơ̆m hơtŏk tơbôl kơ 2 teh đak pơtoi đei jơnei tơnăp, kiơ̆ tơdrong tơgĭt rơngei hiôk hian pơgơ̆r kơdih kơ teh đak, trong jang chĭnh trĭ kơdih băl păng atŭm pơyua. Kơdră teh đak thơ thâu hăm Kơdră tang măt Daniel Kritenbrink đei ƀok kơdră Joe Biden lui ngeh pôk jang Kơdră tơgŭm jang găh tơring Đông Á- Thái Bình Dương, atŭm hăm noh lui ngeh hăm kơchư̆k jang ‘nao, Kơdră tang măt gô pơtoi tơgŭm ăn tơdrong jang tơbôl  Việt Nam- Hoa Kỳ.

Lan chih păng pơre nơ̆r