VOV4.Bahnar – Năr 2/6, Kơdră teh đak bơ̆n Nguyễn Xuân Phúc hlôi pơtruh kơthơ ăn ƀok Kơdră teh đak Nga Vladimir Putin vă pơma đam găh tơbôl 2 păh, lơ̆m noh đei tơdrong hơtŏk jang hadoi găh tang găn păng tơjră pơrang jĭ  COVID-19. Lơ̆m kơthơ, Kơdră teh đak xơkơ̆t Việt Nam hơnơ̆ng lăng tơgĭt tơbôl juăt jue hăm Teh đak vang jang kăp gĭt tôm tơdrong Việt Nam-Nga, 'meh vă hơ 'nhăk tơdrong jang hadoi kơ 2 teh đak roi năr roi kơhret păng đei jơnei, atŭm hăm noh chơt hơiă tơdrong tơbôl ƀar păh pơtoi hơtŏk 'lơ̆ng lơ̆m dôm tơdrong jang mă đei răm đơ̆ng pơrang jĭ COVID-19. Hmach bơnê kơ Ƀok Kơdră Vladimir Putin păng teh đak Nga hlôi axong ăn Việt Nam 1000 kơliu vaccine păng lơ tơmam drăm y tê̆ vă tơjră pơrang jĭ, Kơdră teh đak bơ̆n Nguyễn Xuân Phúc 'meh vă Nga tơgŭm, pơm trong hiôk ăn Việt Nam dăh hrôih đei iŏk vaccine đơ̆ng Nga, duh nhen jang hadoi pơm tơlĕch vaccine tơ̆ Việt Nam.

Lan chih păng pơre nơ̆r